លោក  Vuong Dinh Hue ប្រធានរដ្ឋសភានៃសាធារណរដ្ឋសង្គមនិយមវៀតណាម

រដ្ឋធានីហាណូយ៖ ព័ត៌មានដែលទទួលបានពីកិច្ចប្រជុំគណៈកម្មាធិការអចិន្ត្រៃយ៍នៃរដ្ឋសភាសាធា រណរដ្ឋសង្គមនិយមវៀតណាម កាលពីថ្ងៃទី១៩ ខែមេសា ឆ្នាំ២០២២ បានឱ្យដឹងថា រដ្ឋសភាគ្រោងបើកកិច្ចប្រជុំលើកទី៣ របស់ខ្លួន នៅ​ថ្ងៃទី២៣ ខែឧសភា ឆ្នាំ២០២២ ខាងមុខ។ លោក  Vuong Dinh Hue ប្រធានរដ្ឋសភាបានថ្លែងថា សមាជិកសមាជិកាដែលបានចូលរួមក្នុងអង្គប្រជុំបានផ្តល់ជាមតិយោបល់លើការត្រៀមរៀបចំបើកកិច្ចប្រជុំខាងមុខនេះ។ លោក Bui Van Cuong អគ្គលេខាធិការរដ្ឋសភា និងជាប្រធានការិយាល័យរដ្ឋសភាបានថ្លែងថា កិច្ចប្រជុំនេះ នឹងបន្តរហូតដល់ថ្ងៃទី១៧ ខែមិថុនា ឆ្នាំ២០២២ ដែលនឹងត្រូវប្រព្រឹត្តិទៅនៅក្នុងអាគាររដ្ឋសភា រដ្ឋាភិបាលកំពុងអាចគ្រប់គ្រងបាននូវជំងឺឆ្លងកូវីដ-១៩               ទូទាំងប្រទេស។

លោក Cuong  បានថ្លែងថា បន្ទាប់ពីសំណើរបស់រដ្ឋាភិបាលសុំលើកពេលការដាក់ស្នើសេចក្តីព្រាង វិសោធនកម្មច្បាប់ភូមិបាល​ ដែលជាសេចក្តីព្រាងច្បាប់ដែលត្រូវបានដកចេញពីរបៀបវារៈនៃសម័យប្រជុំ ត្រូវបានដាក់ស្នើទៅរដ្ឋសភា។

ការរៀបចំបើកកិច្ចប្រជុំនេះ លោក Hue បានថ្លែងថា គណៈកម្មាធិការអចិន្ត្រៃយ៍នៃរដ្ឋសភាបានយល់ស្របលើកាលបរិច្ឆេទបើកកិច្ចប្រជុំនេះ ប៉ុន្តែ កាលបរិច្ឆេទបិទកិច្ចប្រជុំ គឺអាស្រ័យលើការរៀបចំពេលវេលានៃការបើកកិច្ចប្រជុំ។ ក្រោយពីការបំពេញមុខងាររបស់ខ្លួនកាលពីថ្ងៃទី១៩ ខែមេសា ឆ្នាំ២០២២ គណៈកម្មាធិការអចិន្ត្រៃយ៍នៃរដ្ឋសភាបានបោះឆ្នោតយល់ស្របលើសមាជិកគណៈកម្មាធិការរដ្ឋអាជ្ញានៃរដ្ឋអាជ្ញាប្រជាជនកំពូលចំនួន​១៥ រូប៕

http://ព័ត៌មានសភាអន្តរជាតិ ២០-០៤-២២- កែវ ធាវី-ឆេង ធាវី ប្រែសម្រួលពី៖ https://en.baoquocte.vn/national-assemblys-3rd-session-slated-for-may-23-180830.html