លោក Umar Ata Bandial ប្រធានចៅក្រម
កាលពីថ្ងៃអង្គារ ទី០៥ ខែមេសា ឆ្នាំ២០២២ តុលាការកំពូលនៃសាធារណរដ្ឋឥស្លាមប៉ាគីស្ថាន បានស្វែងរក កំណត់ត្រារដ្ឋសភាជុំវិញរឿងញតិ្តសម្តែងការមិនទុកចិត្តចំពោះលោកនាយករដ្ឋមន្ត្រី Imran Khan ។ កាលពីថ្ងៃ អាទិត្យ ទី០៣ ខែមេសា លោក Qasim Khan Suri អនុប្រធានរដ្ឋសភាបានសម្រេចថា ញត្តិនេះបានផ្សារភ្ជាប់ជា មួយនឹង “ការឃុបឃិតជាមួយបរទេស” ដើម្បីផ្តួល រំលំរដ្ឋាភិបាល ដូច្នេះហើយញត្តិនេះមិនអាចរក្សាបានឡើយ ។ ប៉ុន្មាននាទីក្រោយមក លោកប្រធានាធិបតី Arif Alvi បានប្រកាសរំលាយសភាតាមការណែនាំរបស់លោកនាយក រដ្ឋមន្ត្រី Imran Khan ។ តុលាការកំពូលក្នុងរយៈពេលប៉ុន្មានម៉ោង បានធ្វើការជូនដំណឹងអំពីសេចក្តីសម្រេចរបស់ សភា ហើយចៅក្រមដែលមានសមាជិកចំនួន ៥រូប បានចាប់ផ្តើមសវនាការលើករណីនេះកាលពីថ្ងៃចន្ទ ទី០៤ ខែ មេសា ។ ចៅក្រមទាំង ៥រូប រួមមានចៅក្រម Ijazul Ahsan, ចៅក្រម Mohammad Ali Mazhar, ចៅក្រម Munib Akhtar, និងចៅក្រម Jamal Khan Mandokhail ត្រូវបានដឹកនាំដោយលោក Umar Ata Bandial ប្រធានចៅក្រម ៕
https://www.telegraphindia.com/world/pakistan-supreme-court-seeks-record-of-national-assembly-proceedings-on-no-trust-motion/cid/1859262
សភាបណ្តាទ្វីប៖
ទ្វីបអាស៊ី និងអូសេអានី
ទ្វីបអឺរ៉ុប
ទ្វីបអាមេរិក
ទ្វីបអាហ្វ្រិក
អត្ថបទពាក់ព័ន្ធ៖
វិមានរដ្ឋចំការមន មហាវិថីព្រះនរោត្តម រាជធានីភ្នំពេញ ព្រះរាជាណាចក្រកម្ពុជា
ទូរស័ព្ទ: (៨៥៥-២៣) ២១១ ៤៤១, ២១១ ៤៤២, ២១១ ៤៤៣ ទូរសារ: (៨៥៥-២៣)២១១ ៤៤៦
បណ្តាញសង្គម