លោក Orban ក្នុងសន្និសីទសារព័ត៌មាននៅ​កន្លែង​ទិញ​ទំនិញ​កម្សាន្ត  និងមជ្ឈមណ្ឌលវប្បធម៌ក្នុងទីក្រុងប៊ុយដាប៉ែស

យោង​តាម​លទ្ធផល​បឋម​របស់​ការិយាល័យ​ជាតិ​រៀបចំ​ការ​បោះ​ឆ្នោតហុងគ្រីបានឱ្យដឹងថា កាលពីថ្ងៃអាទិត្យ ទី០៣ ខែមេសា ឆ្នាំ២០២២ សម្ព័ន្ធភាព Fidesz-KDNP ដែលកំពុងកាន់អំណាចរបស់លោកនាយករដ្ឋមន្ត្រី Viktor Orban នៃប្រទេសហុងគ្រី បានឈ្នះការបោះឆ្នោតសភា ។

លោក Orban បានសាទរចំពោះជ័យជម្នះរបស់លោក កាលពីល្ងាចថ្ងៃអាទិត្យ ទី០៣ ខែមេសា ដោយបានមានប្រសាសន៍ថាវាជា “ជ័យជម្នះដ៏ធំធេង” ។ លោក Orban ​បាន​ជម្រាបជូនដល់ហ្វូង​មនុស្ស​ដែលបានចូលរួម​អបអរ​នៅ​កន្លែង​ទិញ​ទំនិញ​កម្សាន្ត  និងមជ្ឈមណ្ឌលវប្បធម៌ក្នុងទីក្រុងប៊ុយដាប៉ែសថា “នយោបាយអភិរក្សបានឈ្នះ នេះមិនមែនជាអតីតកាលទេ នេះគឺជាអឺរ៉ុបនាពេលអនាគត” ។ សម្ព័ន្ធភាព Fidesz-KDNP នាំមុខដោយសំឡេង ៥៤.៦៥% នៃ ៧១% ដែលបានរាប់សន្លឹកឆ្នោត ។ សម្ព័ន្ធភាពគណបក្សប្រឆាំងចំនួនប្រាំមួយបានឈរនៅលំដាប់ទីពីរជាមួយនឹងសំឡេង ៣៣.៥៥% និងសម្ព័ន្ធភាព Mi Hazank (ចលនាមាតុភូមិរបស់យើង) ឈរនៅលំដាប់ទីបីជាមួយនឹងសំឡេង ៦.៤១% ។ សម្ព័ន្ធភាព Fidesz-KDNP បានទទួលអាសនៈចំនួន ១៣៤អាសនៈ ពីសភាដែលមានអាសនៈចំនួន ១៩៩អាសនៈ ដោយទទួលបានសំឡេងភាគច្រើនពីរភាគបីដូចកាលពីឆ្នាំ២០១៨, ឆ្នាំ២០១៤ និងកាលពីឆ្នាំ២០១០ ។

លទ្ធផលផ្លូវការច្បាស់លាស់នឹងចេញផ្សាយនៅពេលក្រោយក្នុងសប្តាហ៍នេះ បន្ទាប់ពីការរាប់សន្លឹក ឆ្នោតពីជនជាតិហុងគ្រីដែលកំពុងរស់នៅក្នុងប្រទេស និងធ្វើការនៅបរទេស ៕

http://ព័ត៌មានសភាអន្តរជាតិ ០៥-០៤-២២-ផាត់ ត្រដែត ប្រែសម្រួលពី៖ http://www.xinhuanet.com/english/europe/20220404/f66a8e251afd449d96d18ed08cd583c1/c.html