លោក Imran Khan នាយករដ្ឋមន្ត្រីប៉ាគីស្ថាន

ទីក្រុងអ៊ីស្លាម៉ាបាដ៖ កាលពីវេលាម៉ោង ៤៖០០ រសៀល ថ្ងៃព្រហស្បតិ៍ ទី៣១ ខែមីនា ឆ្នាំ២០២២ រដ្ឋសភា នៃសាធារណរដ្ឋឥស្លាមប៉ាគីស្ថានបានពិនិត្យ ពិភាក្សាលើញត្តិសម្តែងការមិនទុកចិត្តចំពោះលោក Imran Khan នាយករដ្ឋមន្ត្រីប៉ាគីស្ថាន។ ទូរទស្សន៍ Geo TV បានរាយការណ៍ថា កាលពីយប់ថ្ងៃពុធ ទី៣០ ខែមីនា ឆ្នាំ២០២២ អគ្គលេខាដ្ឋានរដ្ឋសភាប៉ាគីស្ថានបានចេញសេចក្តីប្រកាសព័ត៌មានមួយស្តីពី របៀបវារៈនៃកិច្ចប្រជុំ ថ្ងៃព្រហស្បតិ៍ ទី៣១ ខែមីនា ឆ្នាំ២០២២ អំពីការពិនិត្យ ពិភាក្សាលើញត្តិសម្តែងការមិនទុកចិត្តនេះ។ កាលពីថ្ងៃចន្ទ ទី២៨ ខែមីនា ឆ្នាំ២០២២ លោក Shahbaz Sharif ប្រធានគណបក្សសម្ព័ន្ធឥស្លាមប៉ាគីស្ថាន បានដាក់ញត្តិសម្តែងការមិនទុកចិត្តលោកនាយករដ្ឋមន្ត្រីប៉ាគីស្ថាន។ ការដាក់ញត្តិនេះ បានធ្វើឱ្យលោក Imran នឹងក្លាយជានាយករដ្ឋមន្ត្រីប៉ាគីស្ថានទី ៣ ដែលប្រឈមមុខនឹងញត្តិសម្តែងការមិនទុកចិត្ត៕

https://zeenews.india.com/world/pakistan-national-assembly-to-discuss-no-confidence-motion-against-pm-imran-khan-today-2449442.html