លោក Recep Tayyip Erdogan ប្រធានាធិបតីនៃសាធារណរដ្ឋតួកគី

កាលពីថ្ងៃចន្ទ ទី២៤ ខែកក្កដា ឆ្នាំ២០២៣ លោក Recep Tayyip Erdogan ប្រធានាធិបតីនៃសាធា រណរដ្ឋតួកគីបានថ្លែងថា  សភាតួកគីនឹងបោះឆ្នោតលើសំណើសុំចូល​អង្គការណាតូរបស់ព្រះរាជាណាចក្រ ស៊ុយអែត បន្ទាប់ពីសភា បញ្ចប់វិស្សមកាលរដូវក្តៅ ក្នុងខែតុលា ឆ្នាំ២០២៣។  លោក  Erdogan បានថ្លែង ក្នុងសុន្ទកថាទៅកាន់​ប្រជាជាតិថា “នៅពេលដែលសភាបើកដំណើរការឡើងវិញ យើងនឹងធ្វើអ្វីដែលចាំបាច់ ហើយសមាជិកសភានឹងពិនិត្យពិចារណាលើពាក្យស្នើសុំរបស់ស៊ុយអែត។ ការសម្រេច​ចិត្តចុងក្រោយ គឺ អាស្រ័យលើសមាជិកសភា”។

លោក Erdogan ដែលបានថ្លែង បន្ទាប់ពីដឹកនាំកិច្ចប្រជុំគណៈរដ្ឋមន្រ្តីនៅឯនិវេសនដ្ឋានប្រធានាធិប តីនៅក្នុងទីក្រុងអង់ការ៉ានោះ ថារដ្ឋាភិបាលតួកគីបាន​ប្រាប់ដល់ស៊ុយអែត​នូវអ្វីដែលគួរធ្វើ ដើម្បីប្រឆាំង នឹងការគំរាមកំហែងអំពើភេរវនិយម និងការស្អប់ខ្ពើមសាសនាឥស្លាម និងត្រូវត្រៀមរួចជាស្រេចក្នុងការ ដោះស្រាយរាល់បញ្ហាដែល​នៅសេសសល់ណាមួយតាមរយៈការសន្ទនា។

គួរបញ្ជាក់ផងដែរថា តួកគី និងហុងគ្រី គឺជាប្រទេសជំទាស់ចុងក្រោយ មិនឱ្យប្រទេសក្នុងតំបន់ន័រឌិក មួយនេះចូលរួមក្នុងអង្គការណាតូ។ សភានៃប្រទេសទាំងពីរចាំបាច់ត្រូវ​ផ្តល់សច្ចាប័នលើពាក្យស្នើសុំរបស់ ស៊ុយអែត  ទើបស៊ុយអែតអាចក្លាយជារដ្ឋទី៣២ សមាជិកអង្គការណាតូ…៕

https://www.urdupoint.com/en/world/turkish-parliament-to-vote-on-swedens-nato-b-1728514.html