រូបភាពក្នុងសាលប្រជុំពេញអង្គ នៃសភានៃសាធារណរដ្ឋតួកគី

គណបក្សប្រឆាំងធំជាងគេ គឺគណបក្សប្រជាជនសាធារណរដ្ឋ (CHP) បានស្នើដល់សភានៃសាធា រណរដ្ឋតួកគីប្រជុំជាវិសាមញ្ញ ដើម្បីពិភាក្សាពីការកើនឡើងតម្លៃពន្ធនា​ពេលថ្មីៗនេះ និងពីស្ថានភាពសេដ្ឋ កិច្ច ក្នុងពេលដែលសភាបានសម្រាកវិស្សមកាលកាលពីដើមសប្តាហ៍នេះ រហូតដល់ថ្ងៃទី០១ ខែតុលា ឆ្នាំ ២០២៣។ នៅឯសន្និសីទ​សារព័ត៌មានកាលពីថ្ងៃទី១៨ ខែកក្កដា លោក Özgür Özel ប្រធានក្រុមសមា ជិកសភាគណបក្ស CHP បានថ្លែងថា គណបក្សបានអំពាវនាវជាផ្លូវការទៅ​កាន់ការិយាល័យ​ប្រធានសភា ដើម្បីកោះប្រជុំសភានៅថ្ងៃទី២៥ ខែកក្កដា។

គួររំលឹកថា រដ្ឋាភិបាលតួកគីបានបង្កើនតម្លៃពន្ធ រួមទាំង ពន្ធលើតម្លៃបន្ថែម តាមមធ្យោបាយដែលមិន ធ្លាប់មានពីមុនមកដែលធ្វើឱ្យប៉ះពាល់ប្រជាជនរាប់លាននាក់ លោក Özgür Özel បានសង្កត់ធ្ងន់ថា មានការមូលមតិគ្នាក្នុងចំណោមសមាជិកសភាគណបក្សប្រឆាំង ដើម្បីបើកការពិភាក្សាដេញដោលនៅ ក្នុងសភាពាក់ព័ន្ធនឹងបញ្ហាសេដ្ឋកិច្ច។

ការគាំទ្រពីសមាជិកសភា១២០រូប នៃ៦០០រូប គឺគ្រប់គ្រាន់សម្រាប់ការស្នើឱ្យសភាប្រជុំជាវិសាមញ្ញ ប៉ុន្តែយ៉ាងណាក៏ដោយ ចាំបាច់ត្រូវតែមានការគាំទ្រពីគណបក្សកាន់អំណាច​ដើម្បីអាចធ្វើឱ្យសភាបើកដំ ណើរការបានក្នុងពេលនៃរដូវក្តៅ។ លោក Özgür Özel ក៏បានថ្លែងផងដែរថា គណបក្ស CHP នឹងនាំយក បញ្ហាដំឡើងថ្លៃពន្ធនេះ ទៅកាន់តុលាការ​ធម្មនុញ្ញដើម្បីធ្វើមោឃភាព…៕

https://www.hurriyetdailynews.com/chp-calls-parliament-for-an-extraordinary-meeting-after-tax-hikes-184840