ទិដ្ឋភាពនៅខាងក្រៅអាគារសភាសភាអ៊ីរ៉ាក់ (Photo: AFP)

រដ្ឋធានីបាកដាដ៖ ទីភ្នាក់ងារសារព័ត៌មាន Iraqi News Agency បានរាយការណ៍ថា លោក Hakim Abbas Al-Zamili ប្រធានគណៈកម្មាធិការសន្តិសុខ និងការពារជាតិ នៃរដ្ឋសភាសាធារណរដ្ឋអ៊ីរ៉ាក់ បានថ្លែងកាលពី ថ្ងៃចន្ទ ទី១៧ ខែកក្កដា ឆ្នាំ២០២៣ ថា ច្បាប់ស្តីពី កាតព្វកិច្ចយោធា នឹងបញ្ជូនត្រឡប់ទៅរដ្ឋាភិបាលវិញ ដើម្បីធ្វើ​វិសោធ​នកម្ម។ លោក Al-Zamili បានប្រកាសថា​ នៅមានសេចក្តីព្រាងច្បាប់ចំនួន ៣ ទៀត រួមមាន សេចក្តីព្រាងច្បាប់ស្តីពី ការប្រយុទ្ធប្រឆាំងភេរវកម្ម, សេចក្តីព្រាងច្បាប់ស្តីពី បណ្ឌិតសភាអាកាសចរណ៍ និង សេចក្តីព្រាងច្បាប់ស្តីពី ការិយាល័យស៊ើបអង្កេត នឹងត្រូវពិនិត្យពិភាក្សាលើកដំបូងក្នុងអំឡុងពេលសម័យប្រជុំ សភានៅថ្ងៃចន្ទ ទី២៤ ខែកក្កដា ឆ្នាំ២០២៣ ខាងមុខ។ នេះបើយោងតាមការឱ្យដឹងពីទីភ្នាក់ងារសារព័ត៌មាន Iraqi News Agency…៕

https://www.iraqinews.com/iraq/iraqs-parliament-to-amend-compulsory-military-service-law/