តំបន់ Schengen ជាតំបន់ធ្វើដំណើរចេញចូលដោយសេរីក្នុងសហភាពអឺរ៉ុប

កាលពីថ្ងៃពុធ ទី១២ ខែកក្កដា ឆ្នាំ២០២៣ សភាអឺរ៉ុបបានអនុម័តនូវសេចក្តីសម្រេចមួយស្នើអនុញ្ញាត ឱ្យប្រទេសរូម៉ានី និងប៊ុលហ្គារីចូលក្នុងតំបន់ Schengen ត្រឹមដំណាច់​ឆ្នាំ២០២៣។ សមាជិកសភាអឺរ៉ុប បានថ្លែងថា ប្រទេសទាំងពីរបានបំពេញរួចរាល់ហើយនូវល័ក្ខខ័ណ្ឌចាំបាច់ដើម្បីចូលក្នុងតំបន់ធ្វើដំណើរ ដោយសេរី និងបានស្នើដល់ក្រុម​ប្រឹក្សា​អឺរ៉ុប​​យល់ព្រមទទួលយកការសុំចូលរបស់ប្រទេសទាំងនៅក្នុងឆ្នាំ ២០២៣នេះ។ សេចក្តីសម្រេចខាងលើទទួលបានការអនុម័តគាំទ្រក្នុងសំឡេង ៥២៦ ទល់នឹង​៥៧សំឡេង និងអនុបវាទ ៤២សំឡេង។

សភាអឺរ៉ុបសោកស្តាយចំពោះការសម្រេចចិត្តរបស់ក្រុមប្រឹក្សាអឺរ៉ុបកាលពីថ្ងៃទី០៨ ខែធ្នូ ឆ្នាំ២០២២ ដែលបដិសេធសមាជិកភាពរបស់ប្រទេសទាំងពីរ  ដោយមិនបាន​បង្ហាញ​នូវយុតិ្តកម្មផ្លូវច្បាប់ណាមួយពាក់ ព័ន្ធនឹងលក្ខណៈវិនិច្ឆ័យនៃការសុំចូល។ សមាជិកសភាអឺរ៉ុបបានថ្លែងថា តំបន់ Schengen កាន់តែធំជាង មុនដោយគ្មានការត្រួតពិនិត្យ​ឆ្លងព្រំដែននឹងធ្វើឱ្យសហភាពអឺរ៉ុបកាន់តែខ្លាំងជាងមុន គួរកត់ចំណាំថា រដ្ឋ ជាសមាជិកសហភាពអឺរ៉ុបទាំងអស់មានសិទ្ធិក្នុងការចូលរួមក្នុងតំបន់ Schengen នៅពេលណាដែល​ពួក គេបានត្រៀមរួចរាល់…៕

https://www.romania-insider.com/european-parliament-romania-schengen-accession-2023