លោក Yoon Suk Yeol ក្នុងអំឡុងពេលជួបសន្ទនាជាមួយគណៈប្រតិភូសភាសហរដ្ឋអាមេរិក

ខុទ្ទកាល័យរបស់លោកប្រធានាធិបតីនៃសាធារណរដ្ឋកូរ៉េបានឱ្យដឹងថា កាលពីថ្ងៃអង្គារ ទី១១ ខែកក្កដា ឆ្នាំ២០២៣ លោកប្រធានាធិបតី Yoon Suk Yeol បានទទួល​ជួប​សន្ទនាការងារជាមួយគណៈប្រតិភូសភា សហរដ្ឋអាមេរិក នៅក្នុងជំនួបទ្វេភាគី ក្នុងទីក្រុង Vilnius ដោយបានពិភាក្សាអំពីសម្ព័ន្ធភាពទ្វេភាគី និងសង្រ្គាមនៅក្នុងប្រទេស​អ៊ុយក្រែន។

លោក Yoon បានជួបសន្ទនាជាមួយសមាជិកព្រឹទ្ធសភានៃក្រុមអ្នកសង្កេតការណ៍អង្គការណាតូ នៅក្រៅ កិច្ចប្រជុំកំពូលរបស់អង្គការសន្ធិសញ្ញាអាត្លង់ទិកខាងជើង (NATO) នៅទីក្រុង Vilnius ។ ប្រទេសកូរ៉េ​កំពុង​ ចូលរួម​ក្នុង​កិច្ចប្រជុំ​កំពូល​នេះ​ជា​លើក​ទី​ពីរ​ជាប់​គ្នា ​ក្នុង​នាម​ជា​ប្រទេស​មួយ​ក្នុង​ចំណោម​ប្រទេស​ដៃគូ​អាស៊ី ​ប៉ាស៊ីហ្វិក​ចំនួន៤ រួម​ជាមួយ​ ជប៉ុន អូស្ត្រាលី និង​នូវែលសេឡង់។ លោក Yoon បានថ្លែងអំណរគុណដល់ សមាជិកសភាអាមេរិកសម្រាប់ការគាំទ្រដោយស្មោះអស់ពីចិត្ត និងទំនាក់ទំនងទ្វេភាគីដែ​លពួក​គេ​បានបង្ហាញសម្រាប់ កូរ៉េ-អាមេរិក។ លោក Lee Do-woon អ្នកនាំពាក្យប្រធានាធិបតីបានឱ្យដឹងថា ជាមួយទំនាក់ ទំនងជាមិត្តភាពក្នុងអំឡុងពេលសុន្ទរកថារបស់លោក Yoon ទៅកាន់សម័យប្រជុំរួមគ្នានៃសភាក្នុងទីក្រុង វ៉ាស៊ីនតោន កាលពីខែមេសា លោក Lee បានមានប្រសាសន៍ថា កិច្ចប្រជុំរបស់លោក Yoon ជាមួយគណៈ ប្រតិភូសភាអាមេរិក បង្ហាញពីការពង្រីក​នៃសម្ព័ន្ធភាពនៅពេលដែលវារីកចម្រើនទៅជា “សម្ព័ន្ធភាពយុទ្ធសាស្ត្រទូលំទូលាយជាសកល”។ លោក Yoon ក៏បានពន្យល់ពីភាពជាដៃគូ​ដែលកំពុងលូត​លាស់របស់ប្រទេសកូរ៉េខាងត្បូងជាមួយអង្គការណាតូ ដោយកត់សម្គាល់ថា នេះជាឆ្នាំទីពីរជាប់ៗគ្នាដែលលោកកំពុង ចូលរួមក្នុងកិច្ចប្រជុំកំពូល ដែលជាការបង្កើតបេសកកម្​មរបស់ប្រទេសកូរ៉េទៅកាន់អង្គការណាតូកាលពីឆ្នាំមុន និងការអនុម័តតាមផែនការនៃកម្មវិធីភាពជាដៃគូដែលតម្រូវតាមបុគ្គលរវាងកូរ៉េ និងណាតូនៅពេលក្រោយ។ លោក Lee បាន​មានប្រសាសន៍​ថា លោក Yoon ​បាន​ពិភាក្សា​បន្ថែម​អំពី​វិធី​ដែលប្រទេស​កូរ៉េ និង ​អាមេរិក​អាច​ធ្វើ​ការ​រួម​គ្នា​ដើម្បី​ស្ដារ​សន្តិភាព និង​ការ​កសាង​អ៊ុយក្រែន​ឡើង​វិញ​ក្នុង​សង្គ្រាម​ប្រឆាំង​នឹង​រុស្ស៊ី។

លោកស្រី Jeanne Shaheen ព្រឹទ្ធសមាជិក និងជាសហប្រធានក្រុមអ្នកសង្កេតការណ៍ NATO នៃព្រឹទ្ធសភាអាមេរិក បានមានប្រសាសន៍ថា ដំណើរទស្សនកិច្ចផ្លូវរដ្ឋរបស់​លោក Yoon ទៅកាន់ទីក្រុងវ៉ាស៊ីន តោន កាលពីខែមេសា គឺជាឱកាសដ៏សំខាន់មួយ ដើម្បីបញ្ជាក់ពីសារៈសំខាន់នៃទំនាក់ទំនង កូរ៉េ-អាមេរិក និងទំនាក់ទំនងមិត្តភាពជាមួយ​រដ្ឋាភិបាល សភា និងប្រជាជនអាមេរិក ៕

http://ព័ត៌មានសភាទ្វីបអាមេរិក ១២-០៧-២៣-ផាត់ ត្រដែត ប្រែសម្រួលពី៖ https://m.koreatimes.co.kr/pages/article.amp.asp?newsIdx=354744