លោកស្រី Roberta Metsola ប្រធានសភាអឺរ៉ុប

ក្នុងអំឡុងពេលនៃសម័យប្រជុំពេញអង្គសភាអឺរ៉ុបលោកស្រី Roberta Metsola ប្រធានសភាអឺរ៉ុប បានថ្លែងថា សភាអឺរ៉ុបបានគាំទ្រប្រទេសអ៊ុយក្រែន ចាប់តាំងពីថ្ងៃទី១ នៃការចូលឈ្លានពានពេញទំហឹងពី សំណាក់សហព័ន្ធរុស្ស៊ីមកម្ល៉េះ ហើយនឹងបន្តផ្តល់ជំនួយដល់ប្រទេសមួយនេះ ដរាបណាពួកគេនៅតែត្រូវ ការការគាំទ្រពីយើង។  “៥០០ថ្ងៃ នៃការតស៊ូយ៉ាងត្រដាបត្រដួស ៥០០ថ្ងៃ ដែលប្រជាជនអ៊ុយក្រែនជំរុញ ទឹកចិត្តពិភពលោក”។ ៥០០ថ្ងៃ នៃអឺរ៉ុប និងប្រជាធិបតេយ្យពិភពលោកពួតដៃគ្នា ដែលពេលវេលា​បែបនេះ មានតិចតួចប៉ុណ្ណោះនាពេលកន្លងមកនៅក្នុងប្រវត្តិសាស្រ្ត។

លោកស្រី Metsola បានថ្លែងបន្តថា លោកស្រីពិតជាមានមោទកភាពណាស់ដែលសភាអឺរ៉ុបរបស់ យើងបានឈរនៅជាមួយអ៊ុយក្រែន និងប្រជាជនអ៊ុយក្រែន ចាប់តាំងពី​ថ្ងៃទី១មក។ សភាមួយនេះសហ ភាពអឺរ៉ុរបស់យើងនឹងនៅតែបន្តឈរប្រកៀកស្មាជាមួយប្រជាជនអ៊ុយក្រែនដ៏ក្លាហានជាដរាប។ ដើម្បី អ៊ុយក្រែន ដើម្បីអឺរ៉ុប ដើម្បីប្រជាធិប​តេយ្យ ដើម្បីទទួលបានសេរីភាព។ គួររំលឹកផងដែរថា កាលពីថ្ងៃទី២៤ ខែកុម្ភៈ ឆ្នាំ២០២២ រុស្ស៊ីបានចាប់ផ្តើមធ្វើសង្រ្គាមឈ្លានពានពេញទំហឹងដំណាក់កាលថ្មីមកលើ​អ៊ុយក្រែន ខណៈ​ដែលសង្រ្គាមបន្តកើតមានឡើងចាប់តាំងពីឆ្នាំ២០១៤មក…៕

https://menafn.com/1106580132/We-Will-Support-Ukraine-For-As-Long-As-It-Takes-Metsola