ក្នុងព្រឹត្តិការណ៍នៃពិធីបើកសន្និបាតអន្តរសភាអាស៊ានប្រព្រឹត្តទៅនៅទីក្រុងដីកោះ Phu Quoc ប្រទេសវៀតណាម

សន្និសីទពិគ្រោះយោបល់របស់សន្និបាតអន្តរសភាអាស៊ាន (AIPA) លើកទី ១៤ បានចាប់ផ្តើមប្រារព្ធធ្វើនៅទីក្រុងដីកោះ Phu Quoc ភាគខាងត្បូងខេត្ត Kien Giang នៃ​ប្រទេសវៀតណាម ក្រោមមូលបទ «ការលើកកម្ពស់នវានុវត្តន៍, ការផ្ទេរបច្ចេកវិទ្យា, ការអនុវត្ត និងការអភិវឌ្ឍប្រកបដោយចីរភាព»។ រដ្ឋសភានៃសាធារណរដ្ឋ​សង្គម​និយមវៀតណាម បានធ្វើជាប្រធាន និងធ្វើជាម្ចាស់ផ្ទះ នៃកិច្ចប្រជុំនេះ។

នៅក្នុងសុន្ទរកថាបើកសន្និសីទនោះ លោក Tran Thanh Man អនុប្រធានរដ្ឋសភាវៀតណាម និងជាសមាជិកការិយាល័យនយោបាយមជ្ឈិមបក្សកុម្មុយនិស្តវៀតណាម បានវាយតម្លៃខ្ពស់ចំពោះការជ្រើសរើសមូលបទនេះ ដែលសង្កត់ធ្ងន់លើសារៈសំខាន់នៃការលើកកម្ពស់នវានុវត្តន៍, ការផ្ទេរបច្ចេកវិទ្យា ការអនុវត្តន៍ និងការអភិវឌ្ឍសម្រាប់​កំណើនប្រកបដោយចីរភាព។ មូលបទនេះ ឆ្លុះបញ្ចាំងពីស្មារតីនៃការទទួលខុសត្រូវ និងគំនិតផ្តួចផ្តើមរបស់សន្និបាតអន្តរសភាអាស៊ាន​ក្នុងការដោះស្រាយបញ្ហាប្រឈមនានា​ក្នុងតំបន់ ក្នុងបរិបទសកលលោកបច្ចុប្បន្ន និងលក្ខខណ្ឌពិសេសរបស់ប្រទេសនីមួយៗ។

លោក Man បានថ្លែងថា ក្នុងអំឡុងពេលនៃមហាសន្និបាតអន្តរសភាអាស៊ានលើកទី៤៣ នេះ​សេចក្តីសម្រេចសំខាន់ៗមួយចំនួន ត្រូវបានអនុម័ត ដែលផ្តល់នូវដំណោះ​ស្រាយ​ជាក់ស្តែង ដើម្បីរួមចំណែកក្នុងគោលដៅរួមរបស់សហគមន៍អាស៊ាន។ សន្និសីទនេះ ផ្តល់ឱ្យកាសពិនិត្យមើលលើការអនុវត្តសេចក្តីសម្រេចទាំងនោះ ដែលធានាការ​អនុវត្តប្រកបដោយសប្រសិទ្ធភាព ស្របតាមក្របខណ្ឌច្បាប់​ជាមូលដ្ឋាន។

បន្ទាប់ពី រយៈពេល៤៦ឆ្នាំ នៃការបង្កើត និងភាពរីកម្រើន ហើយជាសហគមន៍អាស៊ានដែលចូលរួមអភិវឌ្ឍន៍រយៈពេល ៨ ឆ្នាំ របស់ខ្លួនមកនេះ សន្និបាតអន្តរសភា​អាស៊ាន មានភាពរីកចម្រើនគួរឱ្យកត់សម្គាល់លើវិស័យជាច្រើន, ដែលជួយពង្រឹងតួនាទីយ៉ាងសំខាន់ ក្នុងអង្គការតំបន់មួយនេះ។  មហាសន្និបាតអន្តរសភាអាស៊ានបានរួម​ចំណែកដល់សន្តិភាព ស្ថិរភាព និងសន្តិសុខក្នុងតំបន់ ដែលជួយជំរុញសេដ្ឋកិច្ចដែលបានធ្វើសមាហរណកម្មឱ្យមានកំណើនខ្ពស់ និងមានភាពរឹងមាំ រួមទាំងសហគមន៍​សំខាន់ៗ​​​របស់ប្រជាជនផងដែរ។ លើសពីនេះទៀត មហាសន្និបាតអន្តរសភាអាស៊ាន បានក្លាយខ្លួនជា ដៃគូដែលគួរឱ្យទុកចិត្តបានសម្រាប់ប្រទេស និងអង្គការនានាក្នុងតំបន់ និងពិភពលោក..៕

http://ព័ត៌មានសភាទ្វីបអាស៊ី ១២-០៧-២៣-កែវ ធាវី ប្រែសម្រួលពី៖ https://en.sggp.org.vn/14th-aipa-advisory-group-meeting-opens-in-phu-quoc-post103499.html