លោក Maninder Sidhu សមាជិកសភាកាណាដា

កាលពីថ្ងៃចន្ទ ទី០៣ ខែកក្កដា ឆ្នាំ២០២៣ លោកស្រី  Mélanie Joly រដ្ឋមន្ត្រីក្រសួងការបរទេសកាណាដា បានប្រកាសថា លោក Maninder Sidhu សមាជិកសភាកាណាដានឹងធ្វើដំណើរទស្សនកិច្ចទៅកាន់សាធារណរដ្ឋ Trinidad and Tobago និងសាធារណរដ្ឋសហប្រតិបតិ្តការ Guyana ពីថ្ងៃអាទិត្យ ទី០២ ដល់ថ្ងៃសុក្រ ទី០៧ ខែកក្កដា ឆ្នាំ២០២៣។ ក្នុងអំឡុងពេលនៃដំណើរទស្សនកិច្ចទៅកាន់ប្រទេស Trinidad and Tobago លោក Sidhu នឹងតំណាងឱ្យប្រទេសកាណាដាដើម្បីចូលរួមក្នុងពិធីបើកកិច្ចប្រជុំទៀងទាត់លើកទី៤៥ នៃសន្និសីទប្រមុខ រដ្ឋាភិបាលនៃ​សហគមន៍​ការ៉ាប៊ីន (CARICOM)។ នៅទីនោះ លោក Sidhu ក៏គ្រោងនឹងជួបសន្ទនាការ ងារជាមួយលោក Amery Browne រដ្ឋមន្ត្រីក្រសួងការបរទេស និង​កិច្ចការ CARICOM និង លោក Fitzgerald Hinds រដ្ឋមន្ត្រីក្រសួងសន្តិសុខជាតិ នៃប្រទេស Trinidad and Tobago ដើម្បីពិភាក្សាអំពី​អាទិភាព​ផ្នែកនយោបាយ និងសេដ្ឋកិច្ច រួមទាំងការបន្តពាណិជ្ជកម្ម និងការវិនិយោគ ព្រមទាំងបញ្ហាសន្តិសុខក្នុងតំបន់។   លើសពីនេះ លោក Sidhu នឹងចូល​រួម​​កិច្ចប្រជុំតុមូល ដើម្បីស្វែងយល់អំពីឱកាស និងបញ្ហាប្រឈម សម្រាប់អាជីវកម្មកាណាដានៅ ក្នុងប្រទេស Trinidad and Tobago….៕

https://www.canada.ca/en/global-affairs/news/2023/07/parliamentary-secretary-sidhu-to-travel-to-trinidad-and-tobago-and-guyana.html?utm_source=miragenews&utm_medium=miragenews&utm_campaign=news