សម័យប្រជុំនៃរដ្ឋសភាអំណាចប្រជាជននៃសាធារណរដ្ឋគុយបា

កាលពីថ្ងៃសៅរ៍ ទី០១ ខែកក្កដា ឆ្នាំ២០២៣ រដ្ឋសភាអំណាចប្រជាជននៃសាធារណរដ្ឋគុយបា បានចេញផ្សាយនៅលើគេហទំព័ររបស់ខ្លួននូវ​សេចក្តីព្រាងច្បាប់ស្តីពីក្រមព្រហ្មទណ្ឌយោធា ដើម្បីលើកកម្ពស់ ការចូលរួមរបស់ប្រជាពលរដ្ឋ និងរួមចំណែកលើកកម្ពស់វប្បធម៌ច្បាប់។

យោងតាមសេចក្តីប្រកាសព័ត៌មានរបស់សភា បទដ្ឋានគតិយុត្តនឹងត្រូវដាក់ជូនក្រុមសមាជិករដ្ឋសភាដើម្បីវិភាគ និងជជែកដេញដោលនៅថ្ងៃចន្ទ ទី៣ ខែកក្កដា ឆ្នាំ២០២៣ ក្នុងសម័យប្រជុំសាមញ្ញលើកដំបូង នៃរដ្ឋសភាគុយបានីតិកាលទី១០។ កាលពីថ្ងៃទី១១ ខែឧសភា ឆ្នាំ២០២៣ ក្រុមប្រឹក្សាភិបាលនៃតុលាការ ប្រជាជនកំពូល បានបញ្ជូនសេចក្តីព្រាងច្បាប់នេះទៅកាន់លោក Esteban Lazo ប្រធានរដ្ឋសភាគុយបា ស្របតាម​មាត្រា ១៦៤ នៃរដ្ឋធម្មនុញ្ញនៃសាធារណរដ្ឋ។ សម្រាប់សេចក្តីលម្អិតនៃសេចក្តីព្រាងច្បាប់នេះ ក្រុមការងារបណ្ដោះអាសន្នមួយ ដែលបង្កើតឡើង​ដោយតំណាងតុលាការប្រជាជនកំពូល ការិយាល័យអគ្គរដ្ឋអាជ្ញានៃសាធារណរដ្ឋ ការិយាល័យរដ្ឋអាជ្ញាយោធាកណ្តាល ក្រសួងនៃកងកម្លាំងប្រដាប់​អាវុធបដិវត្តន៍ ក្រសួងមហាផ្ទៃ និងយុត្តិធម៌ និងក្នុងចំណោមស្ថាប័នផ្សេងទៀត ត្រូវបានបង្កើតឡើងក្នុងខែវិច្ឆិកា ឆ្នាំ២០២១។ រដ្ឋសភា​គុយបា​បញ្ជាក់​ថា សម្រាប់​ការ​អនុលោម​នៃ​សេចក្តី​ព្រាង​ច្បាប់​នេះ ឯកសារ​គន្ថនិទ្ទេស (bibliography) ​ជាតិ និង​អន្តរជាតិ​ត្រូវ​បាន​សិក្សា និងវិភាគយ៉ាង​ទូលំទូលាយ ក៏ដូចជាសន្ធិសញ្ញាដែលចុះហត្ថលេខាដោយសាធារណរដ្ឋគុយបាទាក់ទងនឹងសំណើ និងឯកសារដែលកើតចេញពីការបង្កើតច្បាប់ អន្តរជាតិ។

គួរបញ្ជាក់ផងដែរថា សេចក្តីព្រាងច្បាប់ស្តីពីក្រមព្រហ្មទណ្ឌយោធា ផ្តល់និរន្ដរភាពដល់កំណែទម្រង់ប្រព័ន្ធតុលាការ និងនីតិវិធី ត្រូវបានផ្តួចផ្តើម​ឡើងនៅក្នុងរដ្ឋសភាគុយបានីតិកាលទី៩ ៕

http://ព័ត៌មានសភាទ្វីបអាមេរិក ០៣-០៧-២៣-ផាត់ ត្រដែត ប្រែសម្រួលពី៖ https://www.plenglish.com/news/2023/07/02/cuban-parliament-publishes-bill-on-military-penal-code/