សម័យប្រជុំប្រចាំឆ្នាំ លើកទី៣០ របស់សន្និបាតសភាអង្គការ OSCE ធ្វើឡើងនៅក្នុងប្រទេសកាណាដា

សមាជិកសភារាប់រយនាក់បានចួបជុំគ្នានៅក្នុងទីក្រុង Vancouver ប្រទេសកាណាដាដើម្បីចូលរួមក្នុងសម័យប្រជុំប្រចាំឆ្នាំលើកទី៣០ របស់​សន្និបាត​សភាអង្គការសន្តិសុខ និងកិច្ចសហប្រតិបត្តិការក្នុង     អឺរ៉ុប(OSCE-PA)។  កិច្ចប្រជុំរយៈពេល ៥ថ្ងៃ ដែលធ្វើឡើងពីថ្ងៃទី៣០ ខែមិថុនា ដល់ថ្ងៃទី៤ ខែកក្កដា ឆ្នាំ ២០២៣នោះ បានស្នើឱ្យពង្រឹងតួនាទីរបស់អង្គការ OSCE ក្នុងបញ្ហាប្រឈមបច្ចុប្បន្ន រួមទាំង ការបញ្ចប់សង្រ្គាមនៅក្នុង​ប្រទេសអ៊ុយក្រែន ជាមួយនឹងការគោរពដោយពេញលេញចំពោះអធិបតេយ្យភាពជាតិ និង បូរណភាពទឹកដីអ៊ុយក្រែន។

ក្នុងសុន្ទរកថាបើក លោកស្រី Margareta Cederfelt ប្រធានសន្និបាតសភា OSCE-PA បានគូស បញ្ជាក់ថា សន្និបាតសភាគួរតែជួយ​នាំផ្លូវចេញ​ពីស្ថានភាពមិនប្រាកដប្រជាដែលពិភពលោកកំពុងតែប្រឈម និងដើម្បីបញ្ចប់ស្ថានភាពនេះ លោកស្រី Margareta Cederfelt បានប្រកាសថា OSCE-PA បានបង្កើត  គណៈកម្មាធិការថ្មីមួយដើម្បីបង្កើនកិច្ចសម្របសម្រួលប្រកបដោយប្រសិទ្ធភាព គាំទ្រដល់អ៊ុយក្រែន។ គោលបំណងនៃ​ការ​បង្កើតគណៈកម្មាធិការចំពោះកិច្ចថ្មី ដែលត្រូវបានអនុម័តគាំទ្រតាមសំណើរបស់ប្រតិភូអ៊ុយក្រែននោះនឹងធានាថាសង្រ្គាមនៅតែសំខាន់ជាងគេនៃ​សកម្មភាពរបស់ OSCE-PA និងធានា ថាសេចក្តីត្រូវការរបស់អ៊ុយក្រែនត្រូវបានពិនិត្យពិចារណាយ៉ាងពេញលេញពី OSCE-PA។​

លោក Chris d’Entremont អនុប្រធានរដ្ឋសភាកាណាដាបានថ្លែងថា ការការពារអ៊ុយក្រែន មាន ន័យថា ការពារប្រជាធិបតេយ្យនៅទូទាំង​ពិភព​លោក និងអង្វរករដល់សមាជិកសភារបស់អង្គការ OSCE រួបរួមគ្នា និងបន្តផ្តល់ដល់អ៊ុយក្រែននូវការគាំទ្រដែលពួកគេត្រូវការ។ សន្និបាតសភា OSCE-PA ពិនិត្យ ពិចារណាលើសេចក្តីសម្រេចរបស់អង្គការ OSCE និងភាពគួរឱ្យជឿទុកចិត្តបានរបស់ OSCE-PA ក្នុងការប្រឈមនឹងការ​បន្ត​អំពើឈ្លានពានរបស់រុស្ស៊ីមកលើប្រទេសអ៊ុយក្រែន។

គូសបញ្ជាក់ពីសង្រ្គាមឈ្លានពាន សន្និបាតសភា OSCE-PA យល់ឃើញថា គឺជាសញ្ញាមួយដែលសហព័ន្ធរុស្ស៊ីមិនចាប់អារម្មណ៍​ក្នុងកិច្ចសន្ទនា​ដ៏ពិតប្រាកដមួយ សេចក្តីសម្រេចបានចែងថា សមាជិកសភារុស្ស៊ីបានគាំទ្រសង្រ្គាម ដូច្នឹងបានបាត់បង់លក្ខណៈសម្បតិ្តជាតំណាងសភា ក្នុងនាម​ជាដៃគូទទួលខុសត្រូវសម្រាប់កិច្ចសន្ទនា។ សេចក្តីសម្រេចខាងលើនឹងធ្វើរួចរាល់សម្រាប់ជាសេចក្តីប្រកាសទីក្រុង Van couver  ដែល OSCE-PA នឹងបោះឆ្នោតនៅថ្ងៃបញ្ចប់កិច្ចប្រជុំប្រចាំឆ្នាំនៅថ្ងៃទី០៤ ខែកក្កដា ឆ្នាំ២០២៣៕

http://ព័ត៌មានសភាទ្វីបអឺរ៉ុប ០៣-០៧-២៣- ឈាវ សុផាត ប្រែសម្រួលពី៖ https://www.oscepa.org/en/news-a-media/press-releases/press-2023/osce-parliamentarians-meet-in-vancouver-for-annual-session-establish-new-parliamentary-working-group-on-ukraine