កងទ័ពរបស់សហរដ្ឋអាមេរិក

កាលពីថ្ងៃពុធ ទី២៨ ខែមិថុនា ឆ្នាំ២០២៣ សភាជាន់ទាបនៃសាធារណរដ្ឋឆែកបានផ្តល់ការគាំទ្រយ៉ាងរឹងមាំចំពោះសន្ធិសញ្ញាការពារជាតិ​ជាមួយ​សហរដ្ឋអាមេរិកដែលជាសម្ព័ន្ធមិត្ត របស់ខ្លួនក្នុងអង្គការណាតូនៅក្នុងដំណាក់កាលនៃការពិនិត្យ និងពិភាក្សាលើកដំបូង ដែលជាសញ្ញាថាកិច្ចព្រម​ព្រៀងនេះនឹងត្រូវបានផ្តល់សច្ចាប័ននៅក្នុង ប៉ុន្មានសប្តាហ៍ខាងមុខនេះ។

កិច្ចព្រមព្រៀងកិច្ចសហប្រតិបត្តិការលើវិស័យការពារជាតិ (DCA) បានកំណត់ក្របខ័ណ្ឌសម្រាប់វត្តមាន យោធាដ៏មានសក្តានុពលរបស់​សហរដ្ឋ​អាមេរិក​​នៅក្នុងទឹកដីរបស់សាធារណរដ្ឋឆែក គិតចាប់ពីបញ្ហាយុត្តាធិការលើកងទ័ពបរទេសរហូតដល់បញ្ហាបរិស្ថាន ឬច្បាប់សម្រាប់​ប្រតិបត្តិការ​យានជំនិះ។ ប៉ុន្តែនេះមិនមែនមានន័យថា ការសម្រេចចិត្តច្បាស់លាស់ពិតជាត្រូវឱ្យមានវត្តមានយោធារបស់សហរដ្ឋអាមេរិក ឬ បង្កើតមូលដ្ឋាន​យោធា​បរទេសនៅលើទឹកដីនេះទេ គឺត្រូវតែមានការយល់ព្រមដោយឡែកបន្ថែមទៀតពីសភា ហើយប្រធានបទនេះមិនមាន​នៅក្នុងរបៀបវារៈ​នៅពេលនេះទេ។ សាធារណរដ្ឋឆែកគឺជាប្រទេស សមាជិកណាតូទី២៥ ដែលបង្កើតកិច្ចព្រមព្រៀងនេះ។

កាលពីថ្ងៃអង្គារ ទី២៧ ខែមិថុនា ឆ្នាំ២០២៣ លោក Jana Černochová រដ្ឋមន្ត្រីការពារជាតិឆែកបានមានប្រសាសន៍នៅពេលសភាបើក​ការ​ជជែកដេញដោលថា “នៅពេលដែលការឈ្លានពានខាងយោធា ដ៏ឃោរឃៅរបស់សហព័ន្ធរុស្ស៊ីនៅតែកើតមានឡើងមិនឆ្ងាយពីព្រំដែនរបស់យើង និងផលប្រយោជន៍សន្តិ សុខរបស់សាធារណរដ្ឋឆែក ក្នុងការពង្រឹងកិច្ចសហប្រតិបត្តិការការពារជាតិជាមួយសហរដ្ឋអាមេរិក”។ សន្ធិសញ្ញា​នេះ​នឹង​ទៅ​ដល់ដៃគណៈកម្មាធិការ​នានា ​មុន​ការ​បោះឆ្នោត​ចុងក្រោយ​ដែលអាច​នឹង​ធ្វើឡើងនៅ​ក្នុង​ខែ​កក្កដា ព្រម​ទាំង​ការ​ផ្តល់​សច្ចាប័ន​នៅ​ក្នុង​សភា​ជាន់​ខ្ពស់​ ៕

http://ព័ត៌មានសភាទ្វីបអាមេរិក ៣០-០៦-២៣-ផាត់ ត្រដែត ប្រែសម្រួលពី៖ https://tvpworld.com/70901658/czech-lower-house-backs-defense-treaty-with-us-in-initial-vote