លោក Isaac Herzog ប្រធានាធិបតីនៃរដ្ឋ​អ៊ីស្រាអែល

កាលពីថ្ងៃព្រហស្បតិ៍ ទី២៩ ខែមិថុនា ឆ្នាំ២០២៣ លោក Kevin McCarthy ប្រធានសភាតំណាងបានមាន ប្រសាសន៍ថា លោក Isaac Herzog ប្រធានាធិបតីនៃរដ្ឋ​អ៊ីស្រាអែលនឹងថ្លែងសុន្ទរកថាទៅកាន់សភាទាំងពីរ ក្នុង អំឡុងពេលដំណើរទស្សនកិច្ចរបស់លោកទៅកាន់ទីក្រុងវ៉ាស៊ីនតោននៅខែក្រោយ។ ការថ្លែងសុន្ទរកថា​នេះ​ធ្វើ​ឡើង​ក្នុង​ឱកាស​ខួប​លើក​ទី៧៥ នៃការរំលឹក​ឡើងវិញ​នូវ​ទំនាក់ទំនង​រវាង​អាមេរិក និង​អ៊ីស្រាអែល។ លោក McCarthy បានមានប្រសាសន៍នៅក្នុងសេចក្តីថ្លែងការណ៍មួយថា “ខ្ញុំរីករាយដែលសភានឹងមានឱកាសស្តាប់ពីប្រធានាធិបតី Herzog ដែលតែងតែជាមេដឹកនាំដ៏អស្ចារ្យ និងមានឥទ្ធិពល ជាពិសេសក្នុងអំឡុងពេលនេះ”។ លោក McCarthy បានមានប្រសាសន៍បន្តទៀតថា “ការអញ្ជើញឱ្យថ្លែងសុន្ទរកថានៅក្នុងកិច្ចប្រជុំរួមគ្នានៃសភា គឺជាសក្ខីភាពមួយ សម្រាប់ទសវត្សរ៍ដែលមានការគាំទ្រពីគណបក្សទាំងពីរ (គណបក្សសាធារណរដ្ឋ និងប្រជាធិបតេយ្យ) និងសភា ទាំងពីរសម្រាប់ប្រទេសអ៊ីស្រាអែល ដែលហួសពីគោលនយោបាយរបស់គណបក្ស ហើយខ្ញុំទន្ទឹងរង់ចាំស្វាគមន៍ លោក Herzog មកកាន់សភា”….៕

https://www.ynetnews.com/article/hkar11wi00h