លោក Ruslan Stefanchuk ប្រធានសភានៃប្រទេសអ៊ុយក្រែន

លោក Yaroslav Zhelezniak សមាជិកសភាប្រទេសអ៊ុយក្រែនបានថ្លែងតាមបណ្តាញទំនាក់ទំ​នង សង្គមតេឡេក្រាមរបស់​លោកថា សភាអ៊ុយក្រែនបានអនុម័តសេចក្តីអំពាវនាវមួយដល់អ្នកចូលរួមកិច្ចប្រជុំ កំពូលអង្គការណាតូនៅក្នុង​រដ្ឋធានី​វីលនីញូសនៃសាធារណរដ្ឋលីទុយអានី ដែលនឹងធ្វើឡើងនៅថ្ងៃអង្គារ និងថ្ងៃពុធទី១១-១២ ខែកក្កដា ឆ្នាំ២០២៣។ សមាជិក​សភាអ៊ុយក្រែនចំនួន ២៧៩រូប បានបោះឆ្នោត គាំទ្រពង្រាងសេចក្តីសម្រេចលេខ៩៤៣០។

គោលដៅចម្បងនៃសេចក្តីអំពាវនាវ គឺស្នើដល់បណ្តារដ្ឋជាសមាជិកអង្គការណាតូបេ្តជ្ញាចិត្តក្នុងការ ផ្តល់ការធានាការទទួល​បានសមាជិកភាពពេញពេញនៅក្នុងអង្គការសម្ព័ន្ធមិត្តមួយនេះ ដើម្បីផ្តល់យន្តការ មួយអញ្ជើញអ៊ុយក្រែនចូលក្នុងអង្គការ។ អ្នកចូលរួមក្នុងកិច្ចប្រជុំកំពូល ត្រូវបានស្នើឱ្យគាំទ្ររូបមន្តសន្តិភាព របស់លោក Volodymyr Zelensky ប្រធានាធិបតី​អ៊ុយក្រែន ដើម្បីបង្កើតនូវយុត្តិធម៌គ្រប់ជ្រុងជ្រោយ និង សន្តិភាពយូរអង្វែងនៅក្នុងប្រទេសអ៊ុយក្រែន សម្រាប់សន្តិសុខ​សកល ក៏ដូចជាបង្កើតនូវយន្តការមួយ សម្រាប់ពិគ្រោះយោបល់ពីវិបត្តិនៅក្រែនដោយផ្អែកលើមាត្រា៤ នៃសន្ធិសញ្ញាទីក្រុង​វ៉ាស៊ីនតោនដើម្បី ពិគ្រោះយោបល់ ក្នុងករណីមានការគំរាមកំហែងដល់បូរណភាពទឹកដី ឯករាជ្យភាពនយោបាយ ឬសន្តិ សុខ​អ៊ុយក្រែន ឬរដ្ឋជាសមាជិកអង្គការណាតូណាមួយ…៕

https://www.ukrinform.net/rubric-polytics/3728862-ukrainian-parliament-adopts-appeal-to-participants-of-nato-summit-in-vilnius.html