សភាជាន់ទាបបេឡារុស អនុម័តគាំទ្រកិច្ចព្រមព្រៀងបេឡារុស-រុស្ស៊ី ស្តីពីមជ្ឈមណ្ឌលហ្វឹកហាត់ប្រយុទ្ធ

សភាតំណាងនៃសាធារណរដ្ឋបេឡារុស បានអនុម័តគាំទ្រសេចក្តីព្រាងច្បាប់ស្តីពីការផ្តល់សច្ចាប័ន​លើកិច្ចព្រមព្រៀង​អន្តរ​រដ្ឋាភិបាលស្តីពីការបង្កើត និងប្រតិបត្តិការមជ្ឈមណ្ឌលហ្វឹកហាត់ប្រយុទ្ធសម្រាប់ ការហ្វឹកហាត់រួមគ្នានៃបុគ្គលិកយោធា​បេឡារុស និងសហព័ន្ធរុស្ស៊ី។

សេចក្តីព្រាងច្បាប់ខាងលើត្រូវបានក្រុមប្រឹក្សារដ្ឋមន្រ្តីបញ្ជូនមកកាន់សភា។ កិច្ចព្រមព្រៀងមួយនេះត្រូវបានចុះ​ហត្ថលេខា​នៅក្នុងរដ្ឋធានីមីនស្ក៍ ប្រទេសបេឡារុស កាលពីថ្ងៃទី២៨ ខែមីនា ឆ្នាំ២០២៣ ដោយផ្អែកលើក្រឹត្យប្រធានា​ធិបតី​បេឡារុសស្តីពីពង្រាងកិច្ចព្រមព្រៀងអន្តរជាតិកាលពីថ្ងៃទី៣១ ខែតុលា  ឆ្នាំ២០២២។ កិច្ចព្រមព្រៀងបានកំណត់ពីភារកិច្ច​ចម្បងរបស់ពួកគេ និងមធ្យោបាយសម្រាប់ក្រសួងការពារ ជាតិប្រទេសនៃទាំងពីរធ្វើអន្តរកម្មសម្រាប់ការ​ផ្តល់ការគាំទ្រ​គ្រប់​ជ្រុងជ្រោយ ដល់ប្រតិបត្តិការរបស់មជ្ឈ មណ្ឌល។ ក្រសួងការពារជាតិបេឡារុស​ និងរុស្ស៊ីជាអ្នកទទួលខុសត្រូវ​ចំពោះកិច្ច​ព្រមព្រៀង។

សម្រាប់ការកំណត់ដែនយុត្តាធិការ និងជំនួយផ្នែកច្បាប់ពាក់ព័ន្ធប្រតិបត្តិការរបស់មជ្ឈមណ្ឌលភាគីទាំងពីរនឹង​គោរព​តាមកិច្ចព្រមព្រៀងស្តីពីដែនសមត្ថកិច្ច និងជំនួយផ្នែកច្បាប់។ ក្នុងករណីពាក់ព័ន្ធនឹងការស្នាក់នៅជា​បណ្តោះអាសន្នរ​បស់​កងកម្លាំងសន្តិសុខសមូហភាព នៅលើទឹកដីនៃរដ្ឋជាសមាជិកអង្គការសន្ធិសញ្ញាសន្តិសុខសមូហភាព ចុះថ្ងៃទី១៦ ខែកញ្ញា ឆ្នាំ២០២១ មិនថាកិច្ចព្រមព្រៀងស្តីការបង្កើតនិងប្រតិបត្តិការមជ្ឈមណ្ឌលហ្វឹកហាត់ប្រយុទ្ធ​សម្រាប់ការហ្វឹកហាត់រួមគ្នានៃ​បុគ្គលិកយោធាបេឡារុស និងសហ ព័ន្ធរុស្ស៊ីចូលជាធរមាន ឬមិនចូលនោះឡើយ។ សេចក្តីព្រាងច្បាប់ខាងលើបាន​បង្ហាញ​ពីការប្តេជ្ញាចិត្តរបស់បេឡារុសក្នុងការគោរពតាមកិច្ចព្រមព្រៀង។ ការអនុម័តសេចក្តីព្រាងច្បាប់នេះនឹង​មិនប៉ះពាល់​ដល់ហិរញ្ញវត្ថុ សេដ្ឋកិច្ច នយោបាយ ឬផលវិបាកដទៃទៀតសម្រាប់បេឡារុសនោះឡើយ។

សេចក្តីព្រាងច្បាប់ស្តីពីការផ្តល់សច្ចាប័នលើកិច្ចព្រមព្រៀងអន្តររដ្ឋាភិបាលស្តីពីការបង្កើត និងប្រតិ បត្តិការមជ្ឈមណ្ឌល​ហ្វឹកហាត់ប្រយុទ្ធសម្រាប់ការហ្វឹកហាត់រួមគ្នានៃបុគ្គលិកយោធាសាធារណរដ្ឋបេឡារុស, និងសហព័ន្ធរុស្ស៊ីមិនមាន​ខចែង​ណាមួយផ្ទុយនឹងរដ្ឋធម្មនុញ្ញនោះឡើយ។ កិច្ចព្រមព្រៀងនេះ ស្របតាមច្បាប់ និងបទប្បញ្ញត្តិនានា គឺស៊ីគ្នាទៅនឹង​លក្ខណៈ​វិនិច្ឆ័យដែលបានបង្កើតឡើងសម្រាប់វាយតម្លៃច្បាប់ និងនិយតកម្ម៕

http://ព័ត៌មានសភាទ្វីបអឺរ៉ុប ២៩-០៦-២៣- ឈាវ សុផាត ប្រែសម្រួលពី៖ https://eng.belta.by/politics/view/belarusian-russian-agreement-on-combat-training-centers-ratified-by-parliaments-lower-chamber-159911-2023/