លោក Igor Grosu ប្រធានសភានៃសាធារណរដ្ឋម៉ុលដាវី

លោក Igor Grosu ប្រធានសភាម៉ុលដាវី និងជាមេដឹកនាំគណបក្សកាន់អំណាច គឺគណបក្សសកម្មភាព និងសាមគ្គីភាព​(PAS)​ បានថ្លែងថា សាធារណរដ្ឋម៉ុលដាវីនឹងប្រកាស​ដកខ្លួនចេញពីកិច្ចព្រមព្រៀង ស្តីពីសមាជិកភាពនៃសន្និបាតអន្តរសភា​នៃបណ្តារដ្ឋឯករាជ្យខំមិនវែល(IPA-CIS) នៅពេលបញ្ចប់សម័យ ប្រជុំសភារដូវក្តៅ។ យើងចាប់ផ្តើមនីតិវិធីនៃការលា​ឈប់ពី​សន្និបាតអន្តរសភា (IPA-CIS) ផែនការនេះ នឹងធ្វើឡើងឱ្យបានឆាប់បំផុតតាមដែលអាចធ្វើបាន នៅពេលសភាបញ្ចប់​សម័យ​ប្រជុំសភារដូវ​ក្តៅដែល​យើងនឹងបោះឆ្នោតនៅក្នុងសភា ដើម្បីប្រកាសដកខ្លួនចេញពីកិច្ចព្រមព្រៀងខាងលើ។

លោក Grosu បានថ្លែងប្រាប់សារព័ត៌មាន TVR Moldova ថា តាមធម្មតាយើងនឹងអនុវត្តតាមនីតិវិធី ផ្លូវច្បាប់ សេចក្តីព្រាង​គឺស្ថិតនៅក្នុងដៃរបស់អំណាចនីតិប្រតិបត្តិហើយ នីតិវិធីនៃការលាឈប់បានចាប់ផ្តើម ធ្វើឡើង។ លោក Grosu បានថ្លែងថា អាជ្ញាធរនឹងត្រួតពិនិត្យមើលលើករណីខ្លះ ពីវត្តមាននៃកិច្ចព្រមព្រៀង ទ្វេភាគីជាមួយរដ្ឋជាសមាជិកអង្គការបណ្តា​រដ្ឋឯករាជ្យ​ខំមិនវែល (CIS) ខ្លះ។ ចាប់តាំងពីឆ្នាំ២០២២មក អាជ្ញាធរម៉ុលដាវី បានចាប់ផ្តើមពិភាក្សាអំពីភាពចាំបាច់ក្នុងការប្រកាស​ដក​ខ្លួនចេញពីកិច្ចព្រមព្រៀងមួយ ចំនួនជាមួយអង្គការ CIS.. ៕

https://www.urdupoint.com/en/world/moldova-plans-to-quit-cis-interparliamentary-1715322.html