បេក្ខជនចំនួន ៧០៨ រូប​ ត្រៀមឈរឈ្មោះក្នុងការបោះឆ្នោតជ្រើសតាំងសមាជិកសភាតំណាងរាស្ត្រថៃ

រាជធានីតូក្យូ៖ តាមការស្ទង់មតិរបស់សារព័ត៌មាន Jiji Press បានបង្ហាញថា ចាប់ពីថ្ងៃសៅរ៍ ទី០១ ខែកក្កដា ឆ្នាំ២០២៣ តទៅ មានបេក្ខជនសរុបចំនួន ៧០៨ រូប បាន​ត្រៀម​ខ្លួនឈរឈ្មោះក្នុងការបោះឆ្នោតជ្រើសតាំងតំណាងរាស្ត្រថៃនៅពេលខាងមុខ។ លោក Fumio Kishida នាយករដ្ឋមន្ត្រីជប៉ុន បានសម្រេចមិនរំលាយសភាតំណាង​រាស្ត្រឡើយ ក្នុងអំឡុងសម័យប្រជុំពេញអង្គដែលត្រូវបានបិទបញ្ចប់ កាលពីថ្ងៃពុធ ទី២១ ខែមិថុនា ឆ្នាំ២០២៣។ ទន្ទឹមពេលជាមួយគ្នានេះ សមាជិកសភាតំណាងរាស្ត្រ​បច្ចុប្បន្ន​ បានឈានដល់ចំណុចពាក់កណ្តាលទី សម្រាប់អាណត្តិ ៤ ឆ្នាំ របស់ខ្លួន នៅខែតុលា  ឆ្នាំ២០២៣ ខាងមុខ។

ប្រជាពលរដ្ឋភាគច្រើនបានគិតថា លោក Kishida ទំនងជានឹងរំលាយសភាតំណាងរាស្ត្រ ហើយបោះឆ្នោតមុនអាណត្តិនៅសរទរដូវខាងមុខ។ គណបក្សនយោបាយ​ទាំងអស់​កំ​ពុងធ្វើការងារយ៉ាងសកម្មក្នុងការសម្រេចជ្រើសរើសបេក្ខជនរបស់ខ្លួន សម្រាប់ត្រៀមឈរឈ្មោះបោះឆ្នោតនៅពេលខាងមុខ។

សមាជិកសភាតំណាងរាស្ត្រសរុប ៤៦៥ រូប ដែលក្នុងនោះ ២៨៥ រូប ត្រៀមសម្រាប់មណ្ឌលណាដែលមានតែ ១ អាសនៈ ហើយ ១៧៦ ​អាសនៈទៀត គឺជាអាសនៈ​តំណាងសមាមាត្រ។ យ៉ាងហោចណាស់ ក៏ត្រូវមានអាសនៈដែលឈ្នះ ២៣៣ ដែរ ដើម្បីឈានទៅដល់សំឡេងភាគច្រើន។

ការមិនរាប់បញ្ចូលមណ្ឌលចំនួន ១១ ដែលដៃគូសម្ព័ន្ធភាពរបស់គណបក្សប្រជាធិបតេយ្យសេរីដ៏ធំជាងគេ គឺគណបក្ស Komeito គ្រោងដាក់បេក្ខជនរបស់ខ្លួននោះ គណបក្សប្រជាធិបតេយ្យសេរីនៅតែធានាបានបេក្ខជនក្នុងស្រុកចំនួនជាង ១៤។ គណបក្សប្រជាធិបតេយ្យសេរី បានបញ្ចប់ការរៀបចំបេក្ខជនរបស់ខ្លួនរួចរាល់ហើយ​ សម្រាប់ខេត្តចំនួន ១០ ដើម្បីកាត់បន្ថយអាសនៈសភាតំណាងរាស្ត្រ ក្រោមការកែសម្រួលផែនទីបោះឆ្នោត ដើម្បីកាត់បន្ថយភាពចម្រូងចម្រាសនៃតម្លៃសន្លឹកឆ្នោត…៕

http://ព័ត៌មានសភាទ្វីបអាស៊ី ២៧-០៦-២៣-កែវ ធាវី ប្រែសម្រួលពី៖ https://japannews.yomiuri.co.jp/politics/election/20230625-118467/