សភាហ្វាំងឡង់ជ្រើសតាំងលោក Jussi Halla-aho ជាប្រធានសភានីតិកាលថ្មី

សភានៃសាធារណរដ្ឋហ្វាំងឡង់បានប្រកាសថា សភាបានជ្រើសតាំងលោក Jussi Halla-aho អតីត ប្រធានគណបក្សប្រជាជនហ្វាំងឡង់ជាប្រធានសភា។ លោក  Halla-aho ទទួលបានសំឡេងគាំទ្រ ១៣៤ សំឡេង នៅក្នុងសភា ២០០អាសនៈ។ ក្នុងនាមជាប្រធានសភាថ្មី លោក Halla-aho នឹងមានជំនួយការ ២រូប ជាអនុប្រធានសភា។ ជាមួយនឹង​ការស្បថចូលកាន់តំណែងរបស់ប្រធានសភាថ្មី និងគណៈរដ្ឋមន្រ្តី នៅទីបំផុតសភា ​និងរដ្ឋាភិបាលនីតិកាលថ្មីបានចាប់ផ្តើមដំណើរការ បន្ទាប់ពីជាង ២ខែ ក្រោយការបោះ ឆ្នោត។

ជាប្រពៃណី តំណែងប្រធានសភា ត្រូវគ្រប់គ្រងដោយសមាជិកសភាមកពីគណបក្សធំជាងគេលំដាប់ ទី២ នៅក្នុងសភា។ គណបក្សប្រជាជនហ្វាំងឡង់របស់លោក Halla-aho បានក្លាយជាគណបក្សធំជាងគេ លំដាប់ទី២ ក្រោយការបោះឆ្នោតជ្រើសតាំងសមាជិកសភាថ្ងៃទី០២ ខែមេសា ឆ្នាំ២០២៣។ កើតក្នុងឆ្នាំ ១៩៧១ លោក Halla-aho ​បានបម្រើ​ការងារជាសមាជិកសភារវាងឆ្នាំ២០១១ និងឆ្នាំ២០១៤ និងពីខែ កក្កដា ឆ្នាំ២០១៩ ដល់បច្ចុប្បន្ន។ ពីឆ្នាំ២០១៤ ដល់ឆ្នាំ២០១៩ លោកជាសមាជិកសភាអឺរ៉ុប។ លោក Halla-aho កាន់តំណែងជាប្រធានគណបក្សប្រជាជនហ្វាំងឡង់ពីឆ្នាំ២០១៧ ដល់ឆ្នាំ២០២១…៕

https://www.daijiworld.com/news/newsDisplay?newsID=1092674