លោកស្រី Stephanie D’Hose ​ប្រធានព្រឹទ្ធសភាបែលហ្ស៊ិក និងលោកស្រី Yaira Jimenez ឯកអគ្គរដ្ឋទូតគុយបា

លោកស្រី Yaira Jimenez ឯកអគ្គរដ្ឋទូតសាធារណរដ្ឋគុយបា ប្រចាំព្រះរាជាណាចក្របែលហ្ស៊ិក បានពន្យល់ប្រាប់លោកស្រី Stephanie D’Hose ប្រធានព្រឹទ្ធសភា​បែលហ្ស៊ិក​ពីផលប៉ះពាល់នៃការហ៊ុម ព័ទ្ធសេដ្ឋកិច្ច ពាណិជ្ជកម្ម និងហិរញ្ញវត្ថុ និងវិធានការបង្កអរិភាពដទៃទៀតដែលដាក់ចេញដោយសហរដ្ឋ អាម៉េរិក។ នៅក្នុងជំនួបនៅឯទីស្នាក់ការ​កណ្តាលសភាសហព័ន្ធ ក្នុងរដ្ឋធានីនៃប្រទេសបែលហ្ស៊ិក លោក ស្រីការទូតរូបនេះបានធ្វើបច្ចុប្បន្នភាពជូនលោកស្រី D’Hose ពីការពិតនៅក្នុងប្រទេសគុយបា ដែលជាជន រងគ្រោះនៃការហ៊ុមព័ទ្ធសេដ្ឋកិច្ចជាង ៦០ឆ្នាំ ពីរដ្ឋាភិបាលទីក្រុងវ៉ាស៊ីនតោន និងរឹតបន្តឹងសកម្មភាពមក លើគុយបា ដោយដាក់ចូលក្នុងបញ្ជីរដ្ឋគាំទ្រអំពើរ​ភេរវនិយមជា​ឯកតោ​ភាគី។

លោកស្រី Jimenez និងលោកស្រីប្រធានព្រឹទ្ធសភា បានពិភាក្សាគ្នាពីសមិទ្ធផលសង្គមរបស់គុយបា បើទោះបីជាខ្លួនប្រឈមនឹងទណ្ឌកម្មក៏ដោយ និងផ្តល់ព័ត៌មានអំពីកា​រ​គ្រប់គ្រង និងអាទិភាពរបស់សភា អំណាចប្រជាជនគុយបា ក្នុងនីតិកាលទី១០ របស់ខ្លួន ដែលចាប់ផ្តើមកាលពី ២ខែមុន។ លោកស្រី D’Hose ចាប់អារម្មណ៍ចំពោះការ​លើក​កម្ពល់គោលនយោបាយយែនឌ័រក្នុងប្រទេសគុយបា ជាពិសេស ពាក់ព័ន្ធ នឹងក្រមគ្រួសារដែលអនុម័តក្នុងឆ្នាំ២០២២ ក្នុងការធ្វើប្រជាមតិ។

បើតាមស្ថានទូតគុយបា ជំនួបខាងលើជាមួយប្រធានព្រឹទ្ធសភាបែលហ្ស៊ិកបានពិភាក្សាពីចំណងទាក់ ទងជាមិត្តភាព និងកិច្ចសហប្រតិបត្តិការរវាងទីក្រុងព្រុចស៊ែល និងទីក្រុង​ឡាហាវ៉ាន ដែលចំណងការទូត នេះបានប្រារព្ធខួប ១២០ឆ្នាំ កាលពីឆ្នាំ២០២២។ ដូចគ្នានេះដែរ ភាគីទាំងពីរបានបន្តឆន្ទៈក្នុងការលើក កម្ពស់ការផ្លាស់សភា​ទៅវិញ​ទៅមក…៕

https://www.plenglish.com/news/2023/06/21/cuban-ambassador-briefs-belgian-lawmaker-on-impact-of-us-blockade/