សភាថៃនឹងបើកសម័យប្រជុំនៅពេលខាងមុខ ខណៈដែលគណៈកម្មាធិការជាតិ ​រៀបចំការបោះឆ្នោត បង្ហាញលទ្ធផលរបស់ខ្លួន

រាជធានីបាងកក៖ កាលពីថ្ងៃចន្ទ ទី១៩ ខែមិថុនា ឆ្នាំ២០២៣​ គណៈកម្មាធិការជាតិរៀបចំការបោះឆ្នោតនៃព្រះរាជាណាចក្រថៃ បានបង្ហាញលទ្ធផលនៃការបោះឆ្នោត កាលពី​ខែកក្កដា ឆ្នាំ២០២៣ ដែលជាការត្រួសត្រាយផ្លូវសម្រាប់បើកសម័យប្រជុំសភាលើកដំបូង ក្នុងរយៈពេល ២​ ឬ ៣ សប្តាហ៍ខាងមុខនេះ មុនពេលបង្កើត​រាជរដ្ឋាភិបាល​ថ្មីមួយ។

គណៈកម្មាធិការជាតិរៀបចំការបោះឆ្នោត បានឱ្យដឹងថា ខ្លួនបានទទួលស្គាល់គណបក្សឈ្នះឆ្នោត ទាំងអស់ដែលទទួលបានអាសនៈ ៥០០ ក្នុងរដ្ឋសភា ដែលត្រូវបើកសម័យ​ប្រជុំដំបូងបាន ក្នុងរយៈពេល ១៥ ថ្ងៃ ដើម្បីជ្រើសតាំងប្រធានសភា ១ រូប ដែលនៅគ្រានោះ នឹងអំពាវនាវឱ្យមានសម័យប្រជុំរួមនៃសភាទាំងពីរ ដើម្បីបោះឆ្នោតផ្តល់​សេចក្តី​ទុកចិត្តលើនាយករដ្ឋមន្ត្រី ១ រូប។

គណបក្សឆ្ពោះទៅមុខ (Move Forward) បានទទួលជ័យជំនះយ៉ាងធំធេងនៅក្នុងការបោះឆ្នោត កាលពីថ្ងៃទី១៤ ខែមិថុនា ឆ្នាំ២០២៣ ខណៈដែលគណបក្ស Pheu Thai ដែល​មានប្រជាប្រិយជាងគេ បានតាមកៀកពីក្រោយ ដោយសារគណបក្សនេះ បានរើបម្រះចេញពីគូប្រកួតប្រជែងរបស់ខ្លួន ដែលបានចងសម្ព័ន្ធភាពជាមួយក្រុមយោធារាជានិយម ក្រោយរយៈពេល ៩ ឆ្នាំ នៃរាជរដ្ឋាភិបាលដែលដឹកនាំ ឬគាំទ្រដោយយោធា។ គណបក្សប្រឆាំងនេះ បានចងសម្ព័ន្ធភាពជាមួយគណបក្សនយោបាយ​ចំនួន ៨  ដែលត្រូវបាន​គេរំពឹង​ថា នឹងគាំទ្រលោក Pita Limjaroenrat ថ្នាក់ដឹកនាំគណបក្សឆ្ពោះទៅមុខដែលទទួលបានការអប់រំនៅសាកលវិទ្យាល័យ Harvard សហរដ្ឋអាមេរិកសម្រាប់តំណែង នាយករដ្ឋមន្ត្រី និងបង្កើតរដ្ឋាភិបាលចម្រុះមួយ ដែលទំនងជានៅខែកក្កដា ឆ្នាំ២០២៣ ខាងមុខ…៕

http://ព័ត៌មានសភាទ្វីបអាស៊ី ២០-០៦-២៣-កែវ ធាវី ប្រែសម្រួលពី៖ https://news.yahoo.com/thai-parliament-convene-soon-poll 095125580.html?guccounter=1&guce_referrer=aHR0cHM6Ly93d3cuZ29vZ2xlLmNvbS8&guce_referrer_sig=AQAAANgxcMDLkhFeZfNtRBmGHNRvHO1uK3ijteuyQ579FMy5wNsVIQRwcnFKADyVEL2OIUCJv7N9-