លោក Paul Whelan ដែល​​ត្រូវខាងប្រទេស​រុស្ស៊ីចោទប្រកាន់ពីបទចារកម្ម

កាលពីថ្ងៃពុធ ទី១៥ ខែមិថុនា ឆ្នាំ២០២៣ សភាតំណាងសហរដ្ឋអាមេរិកបានអនុម័តសេចក្តីសម្រេចមួយ អំពាវនាវឱ្យរដ្ឋាភិបាលសហព័ន្ធរុស្ស៊ីដោះលែងលោក Paul Whelan អតីតទាហានម៉ារីនអាមេរិក និង Evan Gershkovich អ្នកយកព័ត៌មាននៃសារព័ត៌មាន Wall Street Journal ។ រុស្ស៊ីបានឃុំខ្លួនលោក Whelan តាំង ពីថ្ងៃទី២៨ ខែធ្នូ ឆ្នាំ២០១៨ នៅពេលដែលលោកត្រូវបានចាប់ខ្លួនដោយ ប្រទេសរុស្ស៊ីដោយបានចោទប្រកាន់ ពីបទចារកម្ម។ នៅថ្ងៃទី១៥ ខែមិថុនា ឆ្នាំ២០២០ លោក Whelan ត្រូវបាន កាត់ទោសឱ្យជាប់ពន្ធនាគារ ១៦ឆ្នាំ។ សហរដ្ឋ​អាមេរិក​អះអាង​ថា រុស្ស៊ី​គ្មាន​ភស្តុតាង​គួរឱ្យ​ទុក​ចិត្តសម្រាប់​គាំទ្រ​ការ​ចោទ​ប្រកាន់​លោក Whelan ​ទេ។ ចំណែកឯលោក Evan Gershkovich ដែលកំពុងប្រឈមនឹងការចោទប្រកាន់ពីបទចារកម្មដែរនោះ ហើយត្រូវ បានចាប់ខ្លួនក្នុងអំឡុងពេលធ្វើដំណើរយកព័ត៌មានកាលពីខែមីនា ឆ្នាំ២០២៣។ សេវាសន្តិសុខ FSB របស់រុស្ស៊ី បានចោទប្រកាន់លោក Gershkovich ពីបទប្រមូលអាថ៌កំបាំងយោធានៅក្នុងទីក្រុង Yekaterinburg….៕

https://abc3340.com/news/nation-world/us-house-passes-resolution-calling-for-russia-to-release-imprisoned-wall-street-journal-journalist-evan-gershkovich-former-us-marine-paul-whelan-ukraine-war-espionage-charges