ប្រមុខរដ្ឋវៀតណាមទទួលជួបសម្តែងការគួរសមជាមួយប្រធានរដ្ឋសភាប្រទេសកូតឌីវ័រ

រដ្ឋធានីហាណូយ៖ កាលពីថ្ងៃពុធ ទី១៤ ខែមិថុនា ឆ្នាំ២០២៣ លោក Võ Văn Thưởng ប្រធានាធិបតីនៃសាធារណរដ្ឋសង្គមនិយមវៀតណាម បានទទួលជួបសម្តែងការ​គួរសមជាមួយលោក Adama Bictogo ប្រធានរដ្ឋសភានៃសាធារណរដ្ឋកូតឌីវ័រ ដែលធ្វើទស្សនកិច្ចផ្លូវការនៅវៀតណាម  ពីថ្ងៃទី១៣-១៦​ ខែមិថុនា ឆ្នាំ២០២៣។ លោកប្រធានាធិបតី Thưởng បានជម្រាបជូនភ្ញៀវរបស់លោកថា​ វៀតណាម ផ្តល់សារៈសំខាន់ខ្ពស់ចំពោះការលើក​កម្ពស់មិត្តភាព និងកិច្ចសហប្រតិបត្តិការជាមួយមិត្តភក្តិ​ប្រទេសអាហ្វិ្រចមួយនេះ ដែលក្នុងនោះកូឌីវ័រ គឺជាដៃគូសំខាន់របស់វៀតណាម។

ក្នុងការបញ្ជាក់ពីភាពរីកចម្រើនជាវិជ្ជមានក្នុងទំនាក់ទំនងទ្វេភាគីនេះ ជាពិសេសក្នុងនយោបាយការទូត និងសេដ្ឋកិច្ច, ប្រមុខរដ្ឋវៀតណាមរូបនេះ បានលើកឡើងទៀតថា នៅមានឱកាសច្រើនសម្រាប់ប្រទេសទាំងពីរ ដើម្បីបង្កើនការលើកកម្ពស់ទំនាក់ទំនងកិច្ចសហប្រតិបត្តិការរបស់ខ្លួន។

ប្រធានាធិបតីវៀតណាមរូបនេះ បានផ្តល់អនុសាសន៍ថា ភាគីទាំងពីរ គួរតែបង្កើនការផ្លាស់ប្តូរគណៈប្រតិភូ និងកិច្ចប្រជុំកម្រិតថ្នាក់ដឹកនាំកំពូល, បង្កើនកិច្ចសហប្រតិបត្តិការ​យ៉ាងជិតស្និទ្ធ និងគាំទ្រគ្នាយ៉ាងសកម្ម ក្នុងវេទិកាពហុភាគី និងផ្តល់អាទិភាពលើការជំរុញកិច្ចសហប្រតិបត្តិការសេដ្ឋកិច្ច។

ការបង្កើនចំណងទាក់ទងសភានៃប្រទេសទាំងពីរ បានបង្កើតលក្ខខណ្ឌអនុគ្រោះនានា សម្រាប់កិច្ចសហប្រតិបត្តិការសេដ្ឋកិច្ច។ ប្រធានាធិបតី Thưởng បានថ្លែងសាទរលទ្ធផល​នៃ​កិច្ចពិភាក្សារបស់លោក Bictogo ជាមួយលោក Vương Đình Huệ ប្រធានរដ្ឋសភាវៀតណាម និងកិច្ចប្រជុំជាមួយថ្នាក់ដឹកនាំផ្សេងៗទៀត។

សម្រាប់ការងាររបស់លោក លោក Bictogo បានថ្លែងថា វៀតណាម និងកូតឌីវ័រ ដែលមានភាពស្រដៀងគ្នាលើការអភិវឌ្ឍសេដ្ឋកិច្ច គួរធ្វើការរួមគ្នាឱ្យកាន់តែជិតស្និទ្ធបន្ថែម​ទៀត និងបង្កើតបរិយាកាសធុរកិច្ច ដែលមានភាពអនុគ្រោះ គួរឱ្យទុកចិត្តបាន និងប្រកបដោយសុវត្ថិភាព  ដែលធ្លាប់ផ្តល់ការលំបាក និងបញ្ហាប្រឈមនានាបង្កឱ្យ​មានបញ្ហា​សកល..៕

http://ព័ត៌មានសភាទ្វីបអាស៊ី ១៦-០៦-២៣-កែវ ធាវី ប្រែសម្រួលពី៖ https://www.einnews.com/pr_news/639599817/state-leader-welcomes-president-of-c-te-d-ivoire-s-national-assembly