លោក Boris Johnson អតីតនាយករដ្ឋមន្រ្តីចក្រភពអង់គ្លេស និងជាអតីតសមាជិកសភា

កាលពីថ្ងៃព្រហស្បតិ៍ ទី១៥ ខែមិថុនា ឆ្នាំ២០២៣ បន្ទាប់ពីការស៊ើបអង្កេតរយៈពេល ១ឆ្នាំ គណៈ កម្មាធិការសភាចក្រភពអង់គ្លេសបានរកឃើញថា លោក Boris Johnson អតីតនាយករដ្ឋមន្រ្តីចក្រភព អង់គ្លេសបានបំភាន់សភាដោយចេតនាធ្វើពិធីជប់លៀង បំពានវិធានការបិទខ្ទប់(ជំងឺកូវីដ-១៩) ដែលធ្វើ ឱ្យអន្តរាយដល់ភាពគួរឱ្យជឿ​ទុកចិត្ត​បានរបស់ខ្លួន និងរួមចំណែកធ្វើឱ្យខ្លួនធ្លាក់ពីតំណែង។ របាយការណ៍ រិះគន់ធ្ងន់ៗរបស់គណៈកម្មាធិការអភ័យឯកសិទ្ធិនៃរដ្ឋសភាបានរកឃើញថា សកម្មភាព និងការឆ្លើយតប របស់លោក Johnson មកកាន់គណៈកម្មាធិការបានបំពានយ៉ាងងងើលទៅនឹងវិធានកូវីដ-១៩ ដូច្នឹងលោក   Johnson  ត្រូវព្យួរការងាររយៈពេល ៩០ ថ្ងៃពីសភា។

ប៉ុន្តែការព្យួរការងារនេះ គ្រាន់តែជានិម្មិតរូបប៉ុណ្ណោះ ព្រោះលោក Johnson បានលាឈប់ពីសមា ជិកសភាទាំងកំហឹង កាលពីថ្ងៃសុក្រ សប្តាហ៍មុន បន្ទាប់ពីគណៈកម្មាធិការបាន​ប្រាប់លោកពីការបញ្ចប់ការ ស៊ើបអង្កេតរបស់ពួកគេ។ គណៈកម្មាធិការសភាក៏បានថ្លែងផងដែរថា លោក Johnson មិនគួរត្រូវបាន អនុញ្ញាតឱ្យជាន់ដីសភានោះឡើយ។ លោក Johnson វ័យ ៥៨ឆ្នាំ បានពណ៌នាថា គណៈកម្មាធិការខាង លើគឺជា “តុលាការកង់គូរូ” ដែលធ្វើសកម្មភាពប្រៀបដូចតាម “ប្រមាញ់មេធ្មប់” ដើម្បីបង្ខំឱ្យលោកលាឈប់ ពីសភា។ បើទោះបីជាសំឡេងភាគច្រើននៃគណៈកម្មាធិការទាំង ៧រូប ចេញមកពីគណបក្សអភិរក្ស របស់លោកក៏ដោយ…៕

https://www.france24.com/en/europe/20230615-boris-johnson-deliberately-misled-mps-over-partygate-says-parliamentary-committee