អគារសភាជាន់ទាប ឬសភាឌូម៉ាសហព័ន្ធរុស្ស៊ី

សភាជាន់ទាបសហព័ន្ធរុស្ស៊ី ឬសភាឌូម៉ា ត្រូវបានគេរំពឹងថានឹងផ្តល់ការគាំទ្រ ក្នុងការបោះឆ្នោតលើ សេចក្តីព្រាងច្បាប់មួយដែលអាចនឹងហាមឃាត់ការវះកាត់ប្តូរភេទ។ ក្រោមអំណាចលោក Vladimir Putin ប្រធានាធិបតីរុស្ស៊ី សមាជិកសភារុស្ស៊ីបានបង្កើនការថ្កោលទោស និងបង្ក្រាបលើអ្វីដែលពួកគេហៅថាជា បែបផែនរស់នៅ “មិនមែនជា​ប្រពៃណី” ដែលរងឥទ្ធិពលពីប្រទេសលោកខាងលិច។ សំណើច្បាប់មួយនេះ នឹងហាមឃាត់ស្ថាប័នរដ្ឋ មិនឱ្យកែភេទរបស់បុគ្គលណាមួយ នៅក្នុងឯកសារផ្ទាល់ខ្លួនរបស់​ពួកគេនោះ ឡើយ។

បើតាមឯកសារបង្ហោះនៅលើគេហទំព័រសភាឌូម៉ាបានបង្ហាញថា បន្ថែមពីលើការវះកាត់ប្តូរភេទក្លាយ ជារឿងខុសច្បាប់ ក៏មានការហាមឃាត់ផងដែរ “លើការព្យាបាលណា​មួយ​ដែលធ្វើឡើងដើម្បីកំណត់ចរិត លក្ខណៈភេទទីមួយ និងភេទទី២របស់បុគ្គលណាម្នាក់”​។ លើកលែងតែមួយករណីគត់នោះគឺការវះកាត់​ដើម្បី “ព្យាបាលភាពខុសពីធម្មតា​មកពីកំ​ណើតរបស់កុមារ”។ សភារុស្ស៊ីកាលពីឆ្នាំ២០២២បានអនុម័ត ច្បាប់ថ្មីមួយដែលរងការរិះគន់ថា បានហាមឃាត់តំណាងក្រុមមនុស្ស ស្រ្តីស្រលាញ់ភេទដូចគ្នា បុរស​ស្រលាញ់ភេទដូចគ្នា មនុស្សមានភេទពីរ និងអ្នកកែភេទ(LGBT) នៅតាមទីសាធារណៈ និងនៅក្នុងប្រព័ន្ធ ផ្សព្វផ្សាយ…៕

https://wtvbam.com/2023/06/14/russian-parliament-expected-to-back-sex-reassignment-surgery-ban/