រូបភាពទីស្នាក់ការកណ្តាលសភាអឺរ៉ុប

គណៈកម្មាធិការពិសេសទទួលបន្ទុកជំងឺរាតត្បាតសកលកូវីដ-១៩ នៃសភាអឺរ៉ុបបានអនុម័តផ្តល់ អនុសាសន៍ ដើម្បីកែលម្អការគ្រប់គ្រងវិបត្តិនៅក្នុងសហភាពអឺរ៉ុប និងការត្រៀមរួចរាល់សម្រាប់ស្ថានភាព អាសន្នសុខភាពនៅថ្ងៃអនាគត។

សំណើស្តីពីសុខភាពសំខាន់ៗ ស្នើឡើងដោយគណៈកម្មាធិការពិសេសទទួលបន្ទុកជំងឺរាតត្បាតសកលកូវីត-១៩ រួមមាន ការវិនិយោគបន្ថែមក្នុងវិស័យថែទាំសុខភាព ដាក់ចេញនូវផែនការឃ្លាំមើលការកើតមានឡើងនូវការគំរាមកំហែងសុខភាព អនុវត្តការធ្វើតេស្តលើប្រព័ន្ធថែទាំសុខភាពជាតិច្បាស់លាស់ បង្កើនតម្លាភាពសម្រាប់​សកម្មភាព​លទ្ធកម្មរួមកែលម្អយុទ្ធសាស្រ្តស្វ័យភាពរបស់សហភាពអឺរ៉ុបលើធាតុផ្សំឱសថសំខាន់ៗ​ និងឱសថ ព្រមទាំងការបង្កើតនូវយុទ្ធសាស្រ្តមួយរបស់សហភាពអឺរ៉ុប​ដើម្បី​ដោះស្រាយ​ ជំងឺកូវីដ-១៩រយៈពេលយូរ។

ដើម្បីការពារប្រជាធិបតេយ្យ និងសិទ្ធិជាមូលដ្ឋាន សមាជិកសភាអឺរ៉ុបចង់បានសិទ្ធិទទួលបានព័ត៌ មាន និងសេរីភាពនៃការបញ្ចេញមតិទទួលបានការពារប្រសើរជាងមុន ពង្រឹងវិបត្តិនៃទំនាក់ទំនង និង ដំណើរការនៃការធ្វើការសម្រេចចិត្តប្រកបដោយតម្លាភាព ការត្រួតពិនិត្យសភាទាំងនៅកម្រិតសហភាព អឺរ៉ុប និងកម្រិតជាតិ នៅពេលតាក់តែង​ច្បាប់​​​​អាសន្នកំពុងត្រូវបានអនុម័ត និងវិធានការដ៏រឹងមាំដើម្បីគាំទ្រ ដល់សហគមន៍ដែលគេមិនសូវយកចិត្តទុកដាក់  ជនជាតិភាគតិច និងប្រជាជនក្រីក្រ ក្នុងពេលមានវិបត្តិ។

ពាក់ព័ន្ធនឹងការផ្តល់អនុសាសន៍សម្រាប់សកម្មភាពសកល សមាជិកសភាអឺរ៉ុបបានអំពាវនាវឱ្យ​ មានការវិនិយោគជាអន្តរជាតិ និងកិច្ចសម្របសម្រួល​ដើម្បីបង្កើន​ល្បឿន​ផលិតថ្នាំបង្ការឱ្យបានដិតដល់ ពង្រឹងកិច្ចសហប្រតិបត្តិការរវាងសហភាពអឺរ៉ុប និងអង្គការសុខភាពពិភពលោក(WHO) ដើម្បីពង្រឹង បញ្ញត្តិសុខភាពអន្តរជាតិ និងដោះស្រាយ​ចន្លោះគម្លាតនៅក្នុងកិច្ចព្រមព្រៀងថ្មីស្តីពីជំងឺរាតត្បាតសកល និងដើម្បីដំណោះស្រាយប្រកបដោយការស្ថាបនាលើការការពារកម្មសិទ្ធិបញ្ញា៕

http://ព័ត៌មានសភាទ្វីបអឺរ៉ុប ១៤-០៦-២៣- ឈាវ សុផាត ប្រែសម្រួលពី៖ https://sofiaglobe.com/2023/06/13/covid-19-pandemic-european-parliaments-recommendations-on-improving-health-crisis-management/