រដ្ឋមន្ត្រីក្រសួងពាក់ព័ន្ធ គ្រោងបើកកិច្ចប្រជុំស្តីពី ការទប់ស្កាត់ការរំលោភសេពសន្ថវៈ

រាជធានីតូក្យូ៖ កាលពីថ្ងៃចន្ទ ទី១២​ ខែមិថុនា ឆ្នាំ២០២៣ លោក Fumio Kishida នាយករដ្ឋ​មន្ត្រីជប៉ុន បានថ្លែង កាលពីថ្ងៃចន្ទ ទី១២​ ខែមិថុនា ឆ្នាំ២០២៣ថា ក្រសួង និងភា្នក់ងារពាក់ព័ន្ធ គ្រោងបើកកិច្ចប្រជុំមួយស្តីពី ការទប់ស្កាត់សកម្មភាពរំលោភសេពសន្ថវៈ។ ​គម្រោងនេះ គឺធ្វើឡើងដើម្បីឆ្លើយតបនឹងការរំលោភបំពានផ្លូវភេទ​ដែលត្រូវ​បានចោទប្រកាន់លើលោក Johnny Kitagawa មហាសេដ្ឋីជនជាតិជប៉ុនដើមកំណើតអាមេរិក។ កាលពីថ្ងៃចន្ទ ទី១២​ ខែមិថុនា ឆ្នាំ២០២៣ លោក Kishida បានពន្យល់​អំពីផែនការទប់ស្កាត់ការរំលោភសេពសន្ថវៈនេះ ក្នុងកិច្ចប្រជុំគណៈកម្មាធិការសវនកម្ម និងត្រួតពិនិត្យរដ្ឋបាលរបស់សភាតំណាង។

លោក Kishida បានថ្លែងប្រាប់អង្គប្រជុំថា​ «ការរំលោភសេពសន្ថវៈ គឺជាសកម្មភាពយ៉ាងសាហាវ ដែលរំលោភលើសិទ្ធិមនុស្ស ប៉ះពាល់ដល់រាងកាយ និងផ្លូវចិត្តរបស់​កុមារ​ធ្ងន់ធ្ងរ និងមិនអាចទទួលយកបានដាច់ខាត»។

យោងលើសេចក្តីព្រាងច្បាប់ដែលនឹងត្រូវពិនិត្យមើលឡើងវិញលើក្រមព្រហ្មទណ្ឌ ដែលកំពុងពិនិត្យ ពិភាក្សាក្នុងសភានាពេលនេះ លោក Kishida បានថ្លែងថា បទល្មើសព្រហ្មទណ្ឌផ្លូវភេទលើកុមារ នឹងត្រូវដាក់ទោសឱ្យបានសមស្របបន្ថែមទៀត។ កិច្ចប្រជុំរបស់ក្រសួង​ និងភ្នាក់ងារពាក់ព័ន្ធ ដែលដឹកនាំដោយលោក Masanobu Ogura រដ្ឋមន្ត្រីក្រសួងសមភាពយេនឌ័រនៅពេលខាងមុខនេះ នឹងពិនិត្យពិភាក្សាលើវិធានការនានា ដើម្បីទប់ស្កាត់បទល្មើលព្រហ្មទណ្ឌរំលោភសេពសន្ថវៈ…៕

http://ព័ត៌មានសភាទ្វីបអាស៊ី ១៣-០៦-២៣-កែវ ធាវី ប្រែសម្រួលពី៖ https://www.nippon.com/en/news/yjj2023061200414/