សមាជិកសភាអេស្តូនី៖ អង្គការណាតូគួរតែផ្តល់សមាជិកភាពដល់អ៊ុយក្រែន នៅឯកិច្ចប្រជុំកំពូលទីក្រុងវីលនីញូស

លោក Marko Mihkelson ប្រធានគណៈកម្មាធិការកិច្ចការបរទេសនៃសភាសាធារណរដ្ឋអេស្តូនីបាន ថ្លែងថា  សមាជិកអង្គការណាតូ នៅមុនកិច្ចប្រជុំកំពូលទីក្រុងវីលនីញូស ប្រទេសលីទុយអានី នៅខែកក្កដា ឆ្នាំ២០២៣ ខាងមុខនេះគួរតែយល់ព្រមសម្រាប់លទ្ធភាពជាសមាជិកភាពសម្រាប់ប្រទេសអ៊ុយក្រែន។ កិច្ចប្រជុំកំពូលទីក្រុង​វីលនីញូស​គួរតែយល់ព្រមផងដែរ ទាំងពាក្យសម្តី និងសារលើសមាជិកភាពអង្គការ ណាតូ សម្រាប់ប្រទេសអ៊ុយក្រែន។

កាលពីខែកញ្ញា ឆ្នាំ២០២២ លោក Volodymyr Zelenskyy ប្រធានាធិបតីអ៊ុយក្រែន បានប្រកាសថា អ៊ុយក្រែនបានដាក់ពាក្យចូលជាសមាជិកអង្គការ​ណាតូតាមមធ្យោបាយ​មួយលឿនខុសពីធម្មតា។ លោក Jens Stoltenberg ប្រធានអង្គការណាតូបានអះអាងជាថ្មីថា ជំហរឥតប្រែប្រួលរបស់យើងស្តីពីសិទ្ធិរបស់ ប្រទេសនីមួយៗ ក្នុងការសម្រេច​ចិត្ត​លើមាគ៌ារបស់ខ្លួន និងតាមគោលនយោបាយបើកទ្វារចំហ ប៉ុន្តែគួរកត់សម្គាល់ថា សម្ព័ន្ធមិត្តណាតូនឹងផ្តោតលើកិច្ចខិតខំប្រឹងប្រែងជួយដល់អ៊ុយក្រែនការពារខ្លួនឯង។ លោក Dmitry Peskov អ្នកនាំពាក្យវិមានក្រឹមឡាំងបានថ្លែងថា រដ្ឋាភិបាលទីក្រុងមូស្គូបានតាមដានយ៉ាងដិត ដល់លើស្ថានការណ៍ ដោយរំលឹកថា ការតម្រង់ទិសឆ្ពោះទៅរក​អង្គការ​សម្ព័ន្ធមិត្តនេះហើយ គឺជាហេតុមួយ  នៃការចាប់ផ្តើមប្រតិបត្តិការយោធារបស់រុស្ស៊ីនៅក្នុងប្រទេសអ៊ុយក្រែន…៕

https://www.urdupoint.com/en/world/nato-should-offer-ukraine-pathway-to-membersh-1707305.html