រូបភាពសភាអេស្តូនី

គណៈប្រតិភូសមាជិកសភាប្រទេសអ៊ុយក្រែនមួយក្រុមដែលមានសមាជិក ៧រូប បានអញ្ជើញបំពេញ ទស្សនកិច្ចទៅកាន់សាធារណរដ្ឋអេស្តូនី នាថ្ងៃអង្គារ ទី១៣ ខែមិថុនា ឆ្នាំ២០២៣នេះ។ ប្រធានគណៈ ប្រតិភូសមាជិកសភា គឺលោក Arsenii Pushkarenko ប្រធានក្រុមមិត្តភាពសភាអ៊ុយក្រែន-អេស្តូនី។ ក្នុងអំឡុងពេលនៃ​ទស្សនកិច្ចដែល​នឹងធ្វើឡើងរហូតដល់ថ្ងៃសុក្រ សមាជិកសភាអ៊ុយក្រែននឹងចូលជួប លោក Lauri Hussar ប្រធានសភាអេស្តូនី អនុប្រធានសភាអេស្តូនី លោក Toomas Kivimägi និងលោក Jüri Ratas ព្រមទាំងសមាជិកគណៈកម្មការការពារជាតិ និងក្រុមមិត្តភាពសភាអេស្តូនី-អ៊ុយក្រែន។ គណៈប្រតិភូក៏មានគម្រោងជួបជាមួយក្រុមសមាជិកសភាអេស្តូនីផងដែរ។

ក្រៅពីមានជំនួបជាមួយសមាជិកសភាអេស្តូនី គណៈប្រតិភូសមាជិកសភាអ៊ុយក្រែននឹងអញ្ជើញ ទស្សនកិច្ចមជ្ឈមណ្ឌលអភិវឌ្ឍន៍អន្តរជាតិអេស្តូនី និងមានជំនួបជាមួយ​លោកស្រី Riina Sikkut រដ្ឋមន្រ្តី ក្រសួងសុខាភិបាលអេស្តូនី។ សមាជិកសភាអេស្តូនីក៏នឹងជួបជាមួយតំណាងក្រសួងមហាផ្ទៃ និងក្រុមប្រឹក្សា ជួយសង្គ្រោះអេស្តូនីផងដែរ…៕

https://www.riigikogu.ee/en/press-releases/others/verkhovna-rada-delegation-visits-estonia/