សមាជិកសភាមកពីជុំវិញពិភពលោក ចូលរួមប្រជុំស្តីពីបញ្ហាបម្រែបម្រួលអាកាសធាតុ

សមាជិកសភារាប់រយនាក់មកពីជុំវិញពិភពលោក បានប្រមូលផ្តុំគ្នានៅរមណីយដ្ឋានកោះបាលីរបស់ សាធារណរដ្ឋឥណ្ឌូនេស៊ី  ខណៈដែលមហាសន្និបាតសហភាពអន្តរសភា (IPU) លើកទី១៤៤ និងកិច្ចប្រជុំពាក់ព័ន្ធបានចាប់ផ្តើមកាលពីថ្ងៃអាទិត្យ ទី១៩ ខែមីនា ឆ្នាំ២០២២ ។

កិច្ចប្រជុំរបស់សមាជិកសភានេះ ត្រូវបានចូលរួមបើកលោក Joko Widodo ដោយប្រធានាធិបតីនៃ សាធារណរដ្ឋឥណ្ឌូនេស៊ី ហើយសុន្ទរកថាស្វាគមន៍ក្នុងពិធីបើកកិច្ចប្រជុំត្រូវបានធ្វើការបង្ហាញដោយលោក Duarte Pacheco ប្រធាន IPU ជាសមាជិកសភាមកពីសាធារណរដ្ឋព័រទុយហ្គាល់ និងលោក Antonio Guterres អគ្គលេខាធិការអង្គការសហប្រជាជាតិ ។ នៅក្នុងសុន្ទរកថារបស់លោក Widodo បានលើកឡើងពីបញ្ហានៃការប្រែប្រួលអាកាសធាតុ ដោយបានអំពាវនាវឱ្យសមាជិកសភាមកពីជុំវិញពិភពលោកទាំងអស់ឱ្យគាំទ្រ និងវិនិយោគលើថាមពលថ្មីដែលអាចកើតឡើងវិញ ក៏ដូចជាពង្រឹងការផ្ទេរថាមពលផងដែរ ។ លោក Widodo បានមានប្រសាសន៍ថា “ពីថាមពលដែលមានមូលដ្ឋានលើធ្យូងថ្ម យើងបានប្តេជ្ញាចិត្តឆ្ពោះទៅរកថាមពលកកើតឡើងវិញ ។ វាមើលទៅងាយស្រួលនិយាយ ប៉ុន្តែនៅក្នុងការអនុវត្ត វាមិនងាយស្រួលនោះទេ” ។

យោងតាម​លោក Puan Maharani ប្រធាន​សភា​តំណាង​នៃសាធារណរដ្ឋ​ឥណ្ឌូនេស៊ីបានឱ្យដឹងថា មានអ្នកចូលរួមប្រហែល ១,០០០នាក់ មកពីជាង ១០០ប្រទេស បានចូលរួមក្នុងពិធីបើកកិច្ចប្រជុំរបស់មហាសន្និបាតសហភាពអន្តរសភា ៕

http://ព័ត៌មានសភាអន្តរជាតិ ២២-០៣-២២-ផាត់ ត្រដែត ប្រែសម្រួលពី៖ http://www.xinhuanet.com/english/20220321/69f627c5be664a1f8357f82b2a05a7fb/c.html