សភាជប៉ុនអនុម័តសេចក្តីព្រាងច្បាប់គាំទ្រឧស្សាហកម្មការពារជាតិក្នុងស្រុក

សភាជប៉ុន បានអនុម័តសេចក្តីព្រាងច្បាប់មួយ ដែលត្រូវបានតាក់តែងឡើង ដើម្បីគាំទ្រផលិតកម្ម និងការអភិវឌ្ឍគ្រឿងបរិក្ខារយោធាសម្រាប់ផ្គត់ផ្គង់​កងកម្លាំងស្វ័យការពារ​ប្រទេស។ បញ្ញត្តិសំខាន់មួយនៃ សេចក្តីព្រាងច្បាប់នេះ អនុញ្ញាតឱ្យរាជរដ្ឋាភិបាលទិញចង្វាក់ផលិតកម្មសម្រាប់ផលិតគ្រឿងបរិក្ខារនានា​ដែលជួយទ្រទ្រង់ដល់​បេសកកម្ម​របស់​កងកម្លាំងស្វ័យការពារ និងជួយទាក់ទាញក្រុមហ៊ុនផ្សេង​ទៀត ប្រសិនបើក្រុមហ៊ុនមួយមិនអាចបន្តធ្វើការងានេះបាន។

សេចក្តីព្រាងច្បាប់នេះ ត្រូវបានអនុម័តនៅក្នុងសម័យប្រជុំពេញអង្គកាលពីថ្ងៃពុធ ទី០៧ ខែមិថុនា ​ឆ្នាំ២០២៣ ដោយសំឡេងភាគច្រើន។ សេចក្តីព្រាងច្បាប់នេះ ត្រូវបានគាំទ្រដោយសម្ព័ន្ធភាពគណបក្សកាន់អំណាច គឺគណបក្សប្រជាធិបតេយ្យសេរី និងគណបក្ស Komeito និងគណបក្សប្រឆាំងមួយចំនួន រួមទាំងគណបក្សប្រជាធិប​តេយ្យ​រដ្ឋធម្មនុញ្ញផងដែរ។ សេចក្តីព្រាងច្បាប់នេះ អនុញ្ញាតឱ្យក្រសួងការពារជាតិ កំណត់ព័ត៌មានដែលគួរឱ្យទុកចិត្តបានដែលត្រូវផ្តល់​ទៅឱ្យក្រុមហ៊ុនផលិតគ្រឿង​បរិក្ខារ​យោធាដោយសម្ងាត់។

ប្រសិនបើព័ត៌មានដែលគួរឱ្យទុកចិត្តនេះ ត្រូវបានបែកធ្លាយ អ្នកទទួលខុសត្រូវទាំងនោះ អាចត្រូវមានទោសឧក្រិដ្ឋ។ ពួកគេអាចត្រូវមានទោសជាប់ពន្ធនាគាររហូតដល់ ១ ឆ្នាំ  ឬពិន័យជាប្រាក់រហូតដល់ ៥០០,០០០​ យ៉េន ឬប្រហែលស្មើនឹង ៣,៦០០ដុល្លារសហរដ្ឋអាមេរិក។ សេចក្តីព្រាងច្បាប់នេះ ក៏អនុញ្ញាតឱ្យរាជរដ្ឋាភិបាល​រ៉ាប់រងថ្លៃចំណាយដែលត្រូវបានរ៉ាប់រងដោយក្រុមហ៊ុនផលិតគ្រឿងបរិក្ខារយោធាទាំងនោះ ខណៈដែលពួកគេពង្រឹងចង្វាក់ផ្គត់ផ្គង់ និងប្រព័ន្ធសន្តិសុខអ៊ិនធើណិត។ សេចក្តីព្រាងច្បាប់នេះ អនុញ្ញាតឱ្យរាជរដ្ឋាភិបាលបង្កើតថវិកាជួយដល់ការផ្ទេរឱ្យក្រុមហ៊ុនការពារជាតិនូវផលិតកម្មរបស់ខ្លួននៅក្រៅប្រទេស…៕

http://ព័ត៌មានសភាទ្វីបអាស៊ី ០៩-០៦-២៣-កែវ ធាវី ប្រែសម្រួលពី៖ https://www3.nhk.or.jp/nhkworld/en/news/20230607_13/