លោក Volodymyr Zelensky ប្រធានាធិបតីប្រទេសអ៊ុយក្រែន

នៅថ្ងៃព្រហស្បតិ៍ ទី១៥ ខែមិថុនា ឆ្នាំ២០២៣ ខាងមុខនេះ លោក Volodymyr Zelensky ប្រធានា ធិបតីអ៊ុយក្រែននឹងថ្លែងសុន្ទរកថាទៅកាន់​សភាសហព័ន្ធស្វីស​តាមប្រព័ន្ធ​វីដេអូ។ ព័ត៌មាននេះត្រូវបាន គេដឹងក្នុងអំឡុងពេលនៃកិច្ចប្រជុំសភាស្វីស។ លោក Martin Candinas ប្រធានក្រុមប្រឹក្សាជាតិ (សភាជាន់ទាបស្វីស) បានប្រកាសពីសុន្ទរ​កថា​របស់លោក Zelensky នៅពេលចាប់ផ្តើមកិច្ចពិភាក្សាដេញដោល។ កាលបរិច្ឆេទនេះត្រូវបានជ្រើសរើសដោយឯកភាពគ្នាជាមួយភាគីអ៊ុយក្រែន។ រយៈពេលនៃការថ្លែងសុន្ទរ កថាមិនទាន់បានកំណត់ជាក់លាក់នៅឡើយ។

លោក Thomas Aeschy មេដឹកនាំក្រុមសមាជិកសភាគណបក្សប្រជាជនស្វីសដែលជាគណបក្ស ស្តាំនិយមបានរិះគន់ការសម្រេចចិត្តអនុញ្ញាតឱ្យលោក Zelensky ថ្លែងក្នុង​សភា ព្រោះថាវាអាចនឹងជះឥទ្ធិ ពលដល់ការពិភាក្សាលើការផ្គត់ផ្គង់សព្វាវុធ និងគ្រាប់កាំភ្លើង-គ្រាប់ផ្លោង។ សមាជិកភាគច្រើននៃក្រុម របស់លោក Aeschy នឹងមិនចូលរួម​ស្តាប់សុន្ទរកថារបស់ប្រធានាធិបតីអ៊ុយក្រែននោះឡើយ។ គួរកត់ សម្គាល់ផងដែរថា លោក Zelensky នឹងក្លាយជាប្រធានាធិបតីដំបូងគេ ដែលថ្លែងសុន្ទរកថាក្នុងសភាស្វីស តាមប្រព័ន្ធវីដេអូ…៕

https://www.ukrinform.net/rubric-polytics/3718819-zelensky-becomes-first-world-leader-to-give-online-speech-to-switzerlands-parliament.html