លោក Ruslan Stefanchuk ប្រធានសភាប្រទេសអ៊ុយក្រែន

លោក Ruslan Stefanchuk ប្រធានសភាប្រទេសអ៊ុយក្រែនបានបានធ្វើដំណើរទៅកាន់សាធារណ រដ្ឋតួកគី និងជួបជាមួយអ្នកការពារ Azovstal ដែលត្រូវបានដោះលែងពីការ​ចាប់ខ្លួនរបស់សហព័ន្ធរុស្ស៊ី ហើយពេលនេះស្ថិតនៅក្រោមការការពារពីរដ្ឋាភិបាលតួកគី។ រោងចក្រដែកថែប Azovstal គឺជាទីតាំង រឹងមាំចុងក្រោយរបស់អ៊ុយក្រែន​នៅក្នុង​ទីក្រុង Mariupol នៃខេត្ត Donetsk Oblast នៅមុនពេលដែល ទីក្រុងមួយនេះបានស្ថិតក្រោមការគ្រប់គ្រងទាំងស្រុងពីរុស្ស៊ី ក្នុងខែឧសភា ឆ្នាំ២០២២។

ជាផ្នែកមួយនៃការដោះដូរអ្នកទោសអ៊ុយក្រែនជាមួយរុស្ស៊ី ដែលបានដោះលែងអ្នកទោសសង្រ្គាម ២១៥នាក់ ក្នុងខែកញ្ញា ឆ្នាំ២០២២ ដែលនៅពេលនោះមានការ​សម្រេចថា មេបញ្ជាការកំពូល៥រូប របស់ អ្នកការពារ Azovstal នឹងរស់នៅក្នុងប្រទេសតួកគីរហូតដល់ចប់សង្រ្គាម។ លោក Stefanchuk បានថ្លែង ថា“អ្នកការពារទាំងអស់​របស់យើងបានប្តេជ្ញាចិត្តក្នុងការបន្តប្រយុទ្ធរហូតដល់ត្រឡប់ទៅផ្ទះវិញ”។ លោក Stefanchuk ដែលបានហៅពួកគេថាជាវីរបុរសនោះ បានថ្លែងថា រដ្ឋាភិបាលកំពុងតែធ្វើ​ការងារ​ដើម្បីដោះ លែងអ្នកចម្បាំងអ៊ុយក្រែនដទៃទៀតដែលត្រូវបានរុស្ស៊ីចាប់ខ្លួន។ “យើងត្រូវតែបញ្ជូនអ្នកគ្រប់គ្នាឱ្យត្រឡប់ មកផ្ទះវិញ ព្រោះយើងផ្តល់តម្លៃដល់​អ្នក​គ្រប់គ្នា…”៕

https://news.yahoo.com/parliament-speaker-meets-azovstal-defenders-091108871.html