ទិដ្ឋសភាក្នុងសម័យប្រជុំលើកទី៥ នៃរដ្ឋសភាសាធារណរដ្ឋសង្គមនិយមវៀតណាម

រដ្ឋធានីហាណូយ៖ កាលពីថ្ងៃអង្គារ ទី៣០ ខែឧសភា ឆ្នាំ២០២៣ សមាជិករដ្ឋសភានៃសាធារណរដ្ឋសង្គមនិយមវៀតណាម បានបន្តសម័យ​ប្រជុំលើកទី ៥ របស់ខ្លួន ដើម្បីពិនិត្យពិភាក្សាលើរបៀបវារៈសំខាន់ៗមួយចំនន រួមមាន សេចក្តីព្រាងវិសោធនកម្មច្បាប់ស្តីពី ការបញ្ជូនចរន្ត​អគ្គិសនី និងសេចក្តីព្រាងសេចក្តីសម្រេចស្តីពី គោលនយោបាយពិសេសរបស់អាកាសយានិកសម្រាប់ការអភិវឌ្ឍទីក្រុងហូជីមិញ។ សេចក្តីព្រាង​វិសោធនកម្មច្បាប់ស្តីពី ការបញ្ជូនចរន្តអគ្គិសនីត្រូវបានពិនិត្យពិភាក្សារួច ចំនួន ៧​ ជំពូក និង ៥៤ មាត្រា។ សេចក្តីព្រាងវិសោធនកម្មច្បាប់ថ្មីនេះ មានមាត្រាថ្មីចំនួន ៣១ មាត្រា និងមាន ៩ មាត្រា ដែលត្រូវបានពិនិត្យពិភាក្សារួច ខណៈដែលបញ្ញត្តិមួយចំនួនក្នុងមាត្រា ៥ និងមាត្រា ៣ នៃច្បាប់​ចាស់ត្រូវបាននិរាករណ៍។

ក្នុងអំឡុងពេលពិនិត្យពិភាក្សានៅវេលាព្រឹកថ្ងៃខាងលើ សមាជិករដ្ឋសភា បានសម្រេចលើគោលនយោបាយវិនិយោគសម្រាប់គម្រោង​ស្ថាបនាផ្លូវ ពីផ្លូវជាតិលេខ ២៧C ទៅផ្លូវលេខ ៦៥៦ ក្នុងខេត្ត Khanh Hoa ដែលតភ្ជាប់ទៅកាន់ខេត្ត Lam Dong និងខេត្ត Ninh Thuan រួមទាំង​ការកែសម្រួលគោលនយោបាយវិនិយោគលើអាងទឹក Ka Pet ក្នុងស្រុក Ham Thuan Nam នៃខេត្ត Binh Thuan។

នៅរសៀលថ្ងៃដដែលនោះ សមាជិរដ្ឋសភា បានស្តាប់សំណើ និងរបាយការណ៍នៃការត្រួតពិនិត្យ មើលសេចក្តីព្រាងសេចក្តីសម្រេចស្តីពី ការបោះឆ្នោតផ្តល់សេចក្តីទុកចិត្តគាំទ្រដល់មន្ត្រីជំនាញមួយចំនួន ដែលត្រូវបានជ្រើសតាំង ឬតែងតាំងដោយរដ្ឋសភា និងក្រុមប្រឹក្សាប្រជាជន។ សមាជិករដ្ឋសភា បានពិនិត្យពិភាក្សាជាក្រុមលើរបៀបវារៈនេះ។

នៅវេលារសៀលថ្ងៃដដែលនោះ រដ្ឋសភាបានពិនិត្យ និងអនុម័តលើសេចក្តីព្រាងសេចក្តីសម្រេច និងបានសង្កត់ធ្ងន់លើគោលនយោបាយ​ថ្មីមួយចំនួននៃវិស័យវិនិយោគ, ថវិកាហិរញ្ញវត្ថុ ការគ្រប់គ្រងដីធ្លី និងការរៀបចំផែនការ និងប្រព័ន្ធការងារ…៕

http://ព័ត៌មានសភាទ្វីបអាស៊ី ៣១-០៥-២៣-កែវ ធាវី ប្រែសម្រួលពី៖ https://en.vietnamplus.vn/na-deputies-continue-to-discuss-draft-laws-resolutions-on-may-30/253841.vnp