សមាជិករដ្ឋសភាវៀតណាមពិនិត្យពិភាក្សាលើការប្រើប្រាស់ និងគ្រប់គ្រងធនធាននានា សម្រាប់ត្រៀមប្រយុទ្ធប្រឆាំងជំងឺកូវីដ-១៩

រដ្ឋធានីហាណូយ៖ កាលពីថ្ងៃចន្ទ ទី២៩ ខែឧសភា ឆ្នាំ២០២៣ រដ្ឋសភានៃសាធារណរដ្ឋសង្គមនិយមវៀតណាមនីតិកាលទី១៥ បានបន្តដំណើរ​ការសម័យប្រជុំលើកទី៥ ពេញមួយថ្ងៃ ដើម្បីពិនិត្យមើលការកៀរគរ, ការគ្រប់គ្រង និងប្រើប្រាស់ធនធាននានាសម្រាប់ទប់ស្កាត់ និងគ្រប់គ្រង​ជំងឺកូវីដ-១៩ រួមទាំង ការអនុវត្តច្បាប់ និងបទប្បញ្ញត្តិនានា ពាក់ព័ន្ធនឹងការថែទាំសុខភាពប្រជាពលរដ្ឋទូទៅ និងឱសថបង្ការជំងឺ។

របាយការណ៍ដែលត្រូវបានបញ្ជូនមកកិច្ចប្រជុំលើកទី២២ នៃគណៈកម្មាធិការអចិន្ត្រែយ៍នៃរដ្ឋសភាបានបង្ហាញថា ចាប់តាំងពីថ្ងៃទី៣១ ខែធ្នូ ឆ្នាំ២០២២ មក ថវិកាជាតិជាង ២៣៦ លានលានដុង ស្មើនឹង (១០.២​ ពាន់លានដុល្លារសហរដ្ឋអាមេរិក) ត្រូវបានកៀរគរទុកសម្រាប់ការ​ចំណាយលើការគ្រប់គ្រង និងទប់ស្កាត់ជំងឺរាតត្បាត ដែលក្នុងនោះថវិកាជាង ១៨៩ ​លានលានដុង បានមកពីថវិកាជាតិ និងចំណែកនៅសល់ដែល​ទទួលបានពីប្រភពផ្សេងៗ ភាគច្រើនគឺថ្នាំបង្ការ។ ថវិកាសម្រាប់ចំណាយលើឱសថបង្ការជំងឺកូវីដ-១៩  ដែលត្រូវបានលើកឡើង មានជាង ១៥.១ លានលានដុង។ ដូសថ្នាំបង្ការសរុបដែលត្រូវបានផ្គត់ផ្គង់ដោយម្ចាស់ជំនួយ មានចំនួនជិត ១៦០ លានដូស។ ប្រហែល ១៥០ លានដូស បានមកពី​រដ្ឋាភិបាលនៃប្រទេសនានា ក្នុងទឹកប្រាក់សរុបប្រហែល ២៤ លានលានដុង។ មានអ្នកស្ម័គ្រចិត្តរាប់លាននាក់ចូលរួម ជាពិសេស បុគ្គលិកពេទ្យ និងមន្ត្រីយោធានៅខ្សែត្រៀមជួរមុខដែលឆ្លើយតបនឹងជំងឺរាតត្បាតនេះ។  ប្រជាជនមកពីគ្រប់ស្រទាប់វណ្ណៈ សហគមន៍ធុរកិច្ច រដ្ឋាភិបាល និង​អង្គការអន្តរជាតិ បានផ្តល់ជំនួយជាសម្ភារៈ និងបែបបទនៃការគាំទ្រលើការប្រយុទ្ធប្រឆាំងជំងឺកូវីដ-១៩។

ប្រភពជំនួយ និងប្រភពហិរញ្ញវត្ថុ ដែលបានត្រៀមបម្រុង​ ត្រូវបានបែងចែកភា្លមៗទៅតាមអង្គភាព នានា ស្របតាមបទប្បញ្ញត្តិនៃច្បាប់។ កាលពីឆ្នាំ២០២២ ប្រព័ន្ធ​បរិក្ខារថែទាំសុខភាពប្រជាពលរដ្ឋទូទៅ ត្រូវបានពង្រីកនៅទូទាំងប្រទេស។ មណ្ឌលព្យាបាលជំងឺមាននៅគ្រប់ស្រុក ខណៈដែលឃុំ សង្កាត់ និងក្រុង មានមណ្ឌលព្យាបាលជំងឺ ៩៩.៦%។

រដ្ឋាភិបាល នាយករដ្ឋមន្ត្រី គណៈកម្មាធិការកណ្តាលរណសិរ្សមាតុភូមិវៀតណាម និងអង្គភាពពាក់ព័ន្ធនានា កំពុងសិក្សាស្រាវជ្រាវ និងស្នើ​ឱ្យធ្វើវិសោធនកម្មលើសេចក្តីព្រាងច្បាប់ថវិកា ឬច្បាប់ថ្មីបន្ថែម ដូចជា ច្បាប់ស្តីពី ការទប់ស្កាត់គ្រោះមហន្តរាយ, ការពិនិត្យមើលលើ​បទប្បញ្ញត្តិ​ស្តីពី រដ្ឋស្ថិតក្នុងស្ថានភាពអាសន្ន ឬច្បាប់ស្តីពី រដ្ឋក្នុងស្ថានភាពអាសន្ន និងការធ្វើវិសោធនកម្មលើច្បាប់ស្តីពី​ ការធានារ៉ាប់រងសុខភាព​សាធារណៈ​ដើម្បីកាត់បន្ថយឧបសគ្គ និងការកំណត់ក្នុងកំណែនកងទ័ព ការគ្រប់គ្រង និងការប្រើប្រាស់ធនធាននានាសម្រាប់ទប់ស្កាត់ និងគ្រប់គ្រងជំងឺរាតត្បាត និងការពង្រឹងប្រព័ន្ធថែទាំសុខភាពប្រជាពលរដ្ឋទូទៅ និងឱសថបង្ការជំងឺ៕

 http://ព័ត៌មានសភាទ្វីបអាស៊ី ៣០-០៥-២៣-កែវ ធាវី ប្រែសម្រួលពី៖ https://kyivindependent.com/zelensky-asks-parliament-to-sanction-iran-for-50-years/