លោក Igor Grosu ប្រធានសភានៃសាធារណរដ្ឋម៉ុលដាវី

លោក Igor Grosu ប្រធានសភានៃសាធារណរដ្ឋម៉ុលដាវីថ្លែងថា សភាបានអនុម័តការបន្តដាក់ប្រទេស ក្នុងស្ថានភាពអាសន្ន សម្រាប់រយៈពេល ៦០ថ្ងៃទៀត ចាប់ពីថ្ងៃទី០៤ ខែមិថុនា ឆ្នាំ២០២៣តទៅ។ “ពង្រាង សេចក្តីសម្រេចស្តីពីការបន្តដាក់ប្រទេសក្នុងស្ថានភាពអាសន្នរយៈពេល ៦០ថ្ងៃទៀត ត្រូវបានសភាអនុម័តក្នុងសំឡេង ៥៨ នៃ ១០១សំឡេង”។ ក្នុងពេលអំពាវនាវឱ្យសភាបន្តដាក់ប្រទេសក្នុងគ្រាអាសន្ន លោក Dorin Recean នាយករដ្ឋមន្រ្តីម៉ុលដាវីបានកត់សម្គាល់ថា ម៉ុលដាវីរងផលប៉ះពាល់ដោយផ្ទាល់ពីជម្លោះ ក្នុងប្រទេសអ៊ុយក្រែន ដោយសារតែប្រព័ន្ធ​ថាមពលរបស់ប្រទេសមានទំនាក់ទំនងគ្នាទៅវិញទៅមក។

គួរបញ្ជាក់ផងដែរថា នេះគឺជាការបន្តដាក់ប្រទេសក្នុងស្ថានភាពអាសន្នជាលើកទី៨ហើយ ចាប់តាំង ពីអាជ្ញាធរម៉ុលដាវី បានដាក់ប្រទេសក្នុងស្ថាន​ភាព​អាសន្នកាលពីថ្ងៃទី២៤ ខែកុម្ភៈ ឆ្នាំ២០២២ បន្ទាប់ពី ការចាប់ផ្តើមប្រតិបត្តិការយោធាពិសេសរបស់សហព័ន្ធរុស្ស៊ី នៅក្នុងប្រទេសអ៊ុយក្រែន…៕

https://www.urdupoint.com/en/world/moldovan-parliament-extends-state-of-emergenc-1698392.html