លោកស្រី valentina matviyenko ប្រធានសភាជាន់ខ្ពស់សហព័ន្ធរុស្ស៊ី

សភាជាន់ខ្ពស់សហព័ន្ធរុស្ស៊ីបានប្រកាសនៅលើបណ្តាញសង្គមថា សមាជិកព្រឹទ្ធសភាបានអនុម័ត គាំទ្រលើសេចក្តីព្រាងច្បាប់ស្តីពីការដកខ្លួនចេញ​ពីសន្ធិសញ្ញាកងកម្លាំងប្រដាប់អាវុធក្នុងអឺរ៉ុប (CFE)។ កាលពីថ្ងៃទី១០ ខែឧសភា ឆ្នាំ២០២៣ លោក Vladimir Putin ប្រធានាធិបតីរុស្ស៊ី បានបញ្ជូនសេចក្តីព្រាង ច្បាប់មួយស្តីពីការដកខ្លួនចេញពីសន្ធិសញ្ញា CFE  ទៅកាន់សភាជាន់ទាប។ សភាជាន់ទាបបានអនុម័ត គាំទ្រលើសេចក្តី​ព្រាងច្បាប់នេះ កាលពីថ្ងៃទី១៦ ខែឧសភា ឆ្នាំ២០២៣។

សន្ធិសញ្ញា CFE ត្រូវបានចុះហត្ថលេខាដំបូង ក្នុងឆ្នាំ១៩៩០ ដោយសមាជិកអង្គការណាតូ និងជា អតីតរដ្ឋសន្ធិសញ្ញាទីក្រុងវ៉ាសូវីទាំង៦ នៅពេល​នោះ និងបានចូលជាធរមានក្នុងឆ្នាំ១៩៩២។ សន្ធិសញ្ញា នេះបានកំហិតលើប្រភេទយុទ្ធោបករណ៍សំខាន់ៗនៅក្នុងអឺរ៉ុប និងបំផ្លាញចោលអាវុធ​លើសពីតម្រូវការ។ ក្នុងឆ្នាំ១៩៩៩​ ការធ្វើបច្ចុប្បន្នភាពលើសន្ធិសញ្ញាត្រូវបានចុះហត្ថលេខា ប៉ុន្តែផ្តល់សច្ចាប័នបានតែ ៤ ប្រទេសប៉ុណ្ណោះ រួមមាន រុស្ស៊ី បេឡារុស កាហ្សាក់ស្ថាន និងអ៊ុយក្រែន។ ក្នុងឆ្នាំ២០០៧ រុស្ស៊ីបានព្យួរ ការចូលរួមក្នុងសន្ធិសញ្ញា CFE រហូតដល់ប្រទេសសមាជិក​អង្គការណាតូ​បានផ្តល់សច្ចាប័នលើកំណែ បច្ចុប្បន្នភាព…៕

https://menafn.com/1106309818/Russias-Upper-House-Supports-Denunciation-Of-European-Armed-Forces-Treaty