លោក Vyacheslav Volodin ប្រធានសភាឌូម៉ា សហព័ន្ធរុស្ស៊ី

កាលពីថ្ងៃអាទិត្យ ទី២១ ខែឧសភា ឆ្នាំ២០២៣ លោក Vyacheslav Volodin ប្រធានសភាឌូម៉ា ឬសភាជាន់ទាបសហព័ន្ធរុស្ស៊ី​បានចេញ​សេចក្តីថ្លែងការណ៍មួយ អំពាវនាវឱ្យហាមឃាត់រថយន្តដឹកទំនិញ ប៉ូឡូញឆ្លងកាត់ទឹកដីរុស្ស៊ី និងឱ្យប៉ូឡូញផ្តល់​សំណងហិរញ្ញវត្ថុដល់​រដ្ឋាភិបាល​ទីក្រុងមូស្គូចំពោះអ្វីដែល លោកបានថ្លែងថាជា ការកសាងឡើងវិញប្រទេសអឺរ៉ុបខាងកើតមួយនេះរបស់សហភាពសូវៀត​ ក្រោយសង្រ្គាមលោក​លើកទី២។ ប៉ូឡូញចាំបាច់ត្រូវតែទទួលទណ្ឌកម្មចំពោះការក្បត់នឹងការចងចាំជាប្រវត្តិ សាស្រ្តនៃការរំដោះប្រទេសមួយនេះ របស់សហភាពសូវៀត ចេញពីរបបណាហ្ស៊ីអាល្លឺម៉ង់ ជាមួយនឹងសកម្ម ភាពអរិយភាពជាបន្ទាប់ប្រឆាំងនឹងរដ្ឋាភិបាលទីក្រុងមូស្គូ។

លោក Volodin បានថ្លែងថា​ រដ្ឋាភិបាលទីក្រុងវ៉ាសូវីគួរតែបង់ប្រាក់ឱ្យរុស្ស៊ីជាង ៧៥០ពាន់លានដុល្លារ ជាសំណងចំពោះការវិនិយោគរបស់សូវៀត នៅក្នុងប្រទេសនេះ ក្រោយសង្រ្គាមលោកលើកទី២។ ប៉ូឡូញ គួរតែប្រគល់ទឹកដីដែលខ្លួនទទួលបានក្រោយសង្រ្គាមលោកត្រឡប់មកវិញ។ ភ្លាមៗ​នេះ​នៅមិនទាន់មាន ប្រតិកម្មតបពីរដ្ឋាភិបាលទីក្រុងវ៉ាសូវី ចំពោះការអត្ថាធិប្បាយរបស់លោក Volodin នៅឡើយទេ…៕

https://www.marketscreener.com/quote/currency/US-DOLLAR-RUSSIAN-ROUBL-2370597/news/Russian-parliament-chief-proposes-Polish-truck-ban-says-Warsaw-owes-Moscow-billions-43908435/?countview=0