ភ្ញៀវទេសចរណ៍បរទេសដើរកម្សាន្តក្នុងទីក្រុងបូរាណ Hoi An ប្រទេសវៀតណាម នាខែមេសា ឆ្នាំ២០២៣

ខណៈដែលរដ្ឋសភានៃសាធារណរដ្ឋសង្គមនិយមវៀតណាម ត្រៀមពិនិត្យពិភាក្សាលើសេចក្តីព្រាងច្បាប់ស្តីពី ការធ្វើសេរីកម្មទិដ្ឋាការសម្រាប់ភ្ញៀវទេសចរណ៍បរទេស។ ភ្ញៀវទេសចរណ៍បរទេសជាច្រើននាក់ បាននិយាយថា ពួកគាត់សង្ឃឹមថា នឹងទទួលបានដំណឹងល្អនេះពីសមាជិករដ្ឋសភា។ លោក Peter Zimmermann ភ្ញៀវទេសចរណ៍​បរទេសសញ្ជាតិអាល្លឺម៉ង់ បានបា្រប់សារព័ត៌មាន VnExpress International ថា «ពួកយើង និងមិត្តភក្តិរបស់ពួកយើងជាច្រើននាក់ ដែលជានិវត្តន៍ជនផងនោះ ឥឡូវនេះ​កំពុងតែ​សង្ឃឹមថា រដ្ឋសភានឹង អនុម័តយល់ព្រមលើសេចក្តីព្រាងច្បាប់ទិដ្ឋាការថ្មីនេះ ដែលនឹងបង្កលក្ខណៈឱ្យកាន់តែងាយស្រួលសម្រាប់ពួកយើង ដើម្បីចំណាយពេលក្នុង​រដូវរងាពេលខាងមុខនេះ ក្នុងប្រទេសវៀតណាម ដែលជាភ្ញៀវទេសចរណ៍ស្នាក់នៅ រយៈពេលយូរ»៕

https://e.vnexpress.net/news/travel/foreign-tourists-get-hopes-up-as-lawmakers-set-to-discuss-easing-of-visa-rules-4603414.html