ទង់ជាតិសហភាពអឺរ៉ុប

សហភាពអឺរ៉ុបនឹងដាក់ពង្រាយបេសកកម្មអ្នកសង្កេតការណ៍ (EOM)ចំនួន ៧៨នាក់ សម្រាប់ការ បោះឆ្នោតសកលថ្ងៃទី២៤ ខែមិថុនា ឆ្នាំ២០២៣ ក្នុងសាធារណរដ្ឋសៀរ៉ាឡេអូន។ នៅក្នុងសេចក្តីប្រកាស ព័ត៌មានមួយដែលចេញកាលពីថ្ងៃទី៣ ខែឧសភា ឆ្នាំ២០២៣ សហភាពអឺរ៉ុបបានថ្លែងថា គណៈកម្មការ រៀបចំការបោះឆ្នោតសៀរ៉ាឡេអូនបានអញ្ជើញពួកខ្លួនដើម្បីធានាថា ការបោះឆ្នោតប្រកបដោយតម្លាភាព អាចជឿទុកចិត្តបាន និងប្រកបដោយសុខសន្តិភាព

នេះមិនមែនជាលើកទី១ទេ សហភាពអឺរ៉ុបបានបញ្ជូនក្រុម ​EOM ទៅកាន់សៀរ៉ាឡេអូន។ អ្នកសង្កេត ការណ៍សហភាពអឺរ៉ុបបានចូលរួមនៅក្នុងឆ្នាំ២០១៨ ឆ្នាំ២០១២ ឆ្នាំ២០០៧ និងឆ្នាំ២០០២។ លើសពី នេះទៀត មានបេសកកម្មតាមដានការបោះឆ្នោតមួយនៅក្នុងឆ្នាំ២០២១ផងដែរ។ លោកស្រី Evin Incir សមាជិកសភាអឺរ៉ុបនឹងធ្វើជាប្រធានក្រុមអ្នកសង្កេតការណ៍បោះឆ្នោតឆ្នាំ២០២៣ របស់សហភាពអឺរ៉ុប (EU-EOM) នៅក្នុងប្រទេសសៀរ៉ាឡេអូន…៕

https://www.switsalone.com/45244_eu-to-deploy-78-election-observers-for-sierra-leones-national-elections/