រូបសភានៃព្រះរាជាណាចក្រស៊ុយអែត

ស្ថានីយទូរទស្សន៍សហព័ន្ធរុស្ស៊ី “Russia Today ឬ RT” បានដកស្រង់ពីទីភ្នាក់ងារសារព័ត៌មានស្វីស រាយការណ៍ថា សភានៃព្រះរាជាណាចក្រស៊ុយអែតបានសម្រេចចិត្ត​ក្នុងការ​បើក​កិច្ចប្រជុំបន្ទាន់មួយកាល ពីថ្ងៃអាទិត្យ ទី២៣ ខែមេសា ឆ្នាំ២០២៣ ដើម្បីបញ្ជូនកងកម្លាំងប្រដាប់អាវុធ ជាទាហានប្រមាណជា ៤០០នាក់ ទៅកាន់សាធារណរដ្ឋ​ស៊ូដង់ ដើម្បីជួយជម្លៀសប្រជាជនស៊ុយអែតចេញពីទីនោះ។ ស្រ្តីអ្នកនាំ ពាក្យកងកម្លាំងប្រដាប់អាវុធស៊ុយអែត លោកស្រី Gunna Grufelds  បានបដិសេធក្នុងការធ្វើ​អត្ថាធិប្បាយ  ថាតើប្រតិបត្តិការនឹងធ្វើឡើងនៅពេលណា ឬថាតើនឹងមានកិច្ចសហប្រតិបត្តិការជាមួយប្រទេសដទៃទៀត ដែរឬយ៉ាងណា។

លោកស្រីបានថ្លែងបន្តថា “យើងមើលឃើញថា ស្ថានការណ៍សន្តិសុខនៅក្នុងប្រទេសស៊ូដង់ គឺមានភាព គ្រោះថ្នាក់ខ្លាំងណាស់ ហើយយើងមើលមិនឃើញសញ្ញាណាមួយដែលថា ស្ថានការណ៍ក្នុងពេលបច្ចុប្បន្ន នេះមានការប្រែប្រួលនោះឡើយ”។ ដូច្នឹងយើងកំពុងតាមដានស្ថានការណ៍យ៉ាងដិតដល់បំផុត…៕

https://www.nna-leb.gov.lb/en/international/609651/swedish-parliament-agrees-to-send-400-soldiers-to