រូបភាពទីស្នាក់ការកណ្តាលសភាអឺរ៉ុប ក្នុងទីក្រុងស្រា្តសបួរ ប្រទេសប្រទេសបារាំង

សមាជិកសភាអឺរ៉ុបមួយចំនួន កាលពីថ្ងៃពុធ ទី១៩​ ខែមេសា ឆ្នាំ២០២៣ បានអំពាវនាវដល់បណ្តា រដ្ឋជាសមាជិកសហភាពអឺរ៉ុបឱ្យបង្កើតនូវគោលនយោបាយស្វ័យភាពមួយ ឆ្ពោះទៅរកសាធាណរដ្ឋប្រជាមានិតចិន ដោយឯករាជ្យចេញពីសហរដ្ឋអាម៉េរិក និងស្វះស្វែងរកកិច្ចសហប្រតិបត្តិការជាជាងការប្រឈម​មុខដាក់គ្នាជាមួយរដ្ឋាភិបាល​ទីក្រុង​ប៉េកាំង។

សភាអឺរ៉ុប នៅពុធនោះបានបើកសម័យប្រជុំសភាពេញអង្គនៅក្នុងទីក្រុងស្ត្រាសបួរ នៃសាធារណរដ្ឋបារាំង​ក្រោមរបៀបវារៈស្តីពី “ភាពចាំបាច់ក្នុងការប្រកាន់ខ្ជាប់​យុទ្ធសាស្រ្ត​ស្អិតរមួតសម្រាប់ចំណងទាក់ទងសហភាពអឺរ៉ុប-ចិន”។ របៀបវារៈខាងលើនេះបានកើតមានឡើង បន្ទាប់ពីមេដឹកនាំអឺរ៉ុបខ្លះ រួមមាន លោក Pedro Sanchez នាយករដ្ឋមន្រ្តីអេស្ប៉ាញ លោក Emmanuel Macron ប្រធានាធិបតីបារាំង និងលោក-ស្រី Ursula von der Leyen ប្រធានគណៈកម្មការអឺរ៉ុបបាន​ទៅបំពេញទស្សនកិច្ច​នៅក្នុងប្រទេសចិនក្នុង   ពេលប៉ុន្មានសប្តាហ៍ថ្មីៗកន្លងមកនេះ។

“ក្រោយបញ្ចប់ទស្សនកិច្ចនៅចិន លោក Macron បានប្រកាសថា អឺរ៉ុបត្រូវការស្វ័យភាពជាយុទ្ធ​​​  សាស្រ្ត ហើយមិនគួរធ្វើជាប្រទេសចំណុះសហរដ្ឋអាម៉េរិកនោះទេ។ ខ្ញុំមិនមានទំនោរយល់ព្រមទៅនឹងសម្តី របស់លោក Macronនោះទេ ប៉ុន្តែសម្រាប់ពេលនេះ ខ្ញុំគិតថា លោក Macron និយាយត្រូវព្រោះថា គោលនយោបាយអឺរ៉ុបបច្ចុប្បន្ន​គ្មានន័យខ្លឹមសារ ហើយកំពុងតែបំផ្លាញអឺរ៉ុប”។ លោក Milan Uhrik សមាជិកសភាអឺរ៉ុប (​មិនស្ថិតក្នុងក្រុមនយោបាយណាមួយ) មកពីប្រទេសស្លូវ៉ាគីបានថ្លែងបែបនេះ​នៅក្នុង​កិច្ចពិភាក្សាដេញដោលសភា។ លោក Uhrik ថ្លែងសំដៅដល់សម្តីរបស់លោក Macron ដែលសម្ភាសដោយអ្នកសារព័ត៌មានថា អឺរ៉ុបបានបង្កើនការពឹងផ្អែករបស់ខ្លួន​ពីសហរដ្ឋអាម៉េរិកសម្រាប់អាវុធ និងថាមពល ប៉ុន្តែពេលនេះយើងត្រូវតែផ្តោតលើការលើកកម្ពស់ឧស្សាហកម្មការពារជាតិរបស់យើងផ្ទាល់។ យើងត្រូវតែកាត់បន្ថយការពឹង​ផ្អែក​លើសហរដ្ឋអាម៉េរិក  ហើយស្វ័យភាពជាយុទ្ធសាស្រ្តត្រូវតែប្រយុទ្ធដើម្បីអឺរ៉ុប។

មានអ្នកខ្លះកំពុងតែជំរុញយើងឱ្យប្រឈមមុខជាមួយចិន ព្រោះតែសហរដ្ឋអាម៉េរិកមើលឃើញថា ចិនគឺជាការគំរាមកំហែងមួយដល់ការត្រួតត្រាពិភពលោករបស់ខ្លួន។ ​សហភាពអឺរ៉ុបត្រូវតែជាតួអង្គឯករាជ្យមួយក្នុងការអភិវឌ្ឍដោយបើកចំហ និងសណ្តាប់ធ្នាប់អន្តរជាតិពហុប៉ូល ហើយជាមួយនឹងការប្តេជ្ញាចិត្តមួយនេះ ដើម្បីស្វ័យភាព​របស់សហភាពអឺរ៉ុប ក្នុងគោលនយោបាយអន្តរជាតិ ដែលមានភាពចាំបាច់ក្នុងការស្តាប្រក្រតីភាពរបស់ខ្លួននៃចំណងទាក់ទងជាមួយចិន៕

http://ព័ត៌មានសភាទ្វីបអឺរ៉ុប ២០-០៤-២៣- ឈាវ សុផាត ប្រែសម្រួលពី៖ https://news.cgtn.com/news/2023-04-19/MEPs-call-for-autonomous-cooperative-EU-approach-to-China-1j7LFw0A2hW/index.html