លោក Rishi Sunak នាយករដ្ឋមន្រ្តីចក្រភពអង់គ្លេស និងលោកស្រី Akshata Murthy ជាភរិយា

រាជធានីឡុងដ៏៖ កាលពីថ្ងៃចន្ទ ទី១៧ ខែមេសា ឆ្នាំ២០២៣ សភាចក្រភពអង់គ្លេសបានឱ្យដឹងថា គណៈកម្មការឃ្លាំមើលបទដ្ឋានរបស់ខ្លួន បានបើកការស៊ើបអង្កេតលើការ​ប្រកាសផលប្រយោជន៍របស់ លោក Rishi Sunak នាយករដ្ឋមន្រ្តី និងជាសមាជិកសភាចក្រភពអង់គ្លេស។ ការស៊ើបអង្កេតលើលោក Rishi Sunak បានបើកធ្វើឡើងកាលពី​ថ្ងៃទី១៣ ខែមេសា ឆ្នាំ២០២៣…ពាក់ព័ន្ធនឹងការប្រកាសពីផល ប្រយោជន៍ដែលលោកទទួលបាន។

គួរបញ្ជាក់ផងដែរថា សមាជិកសភាទាំងអស់នៅក្នុងចក្រភពអង់គ្លេស តម្រូវឱ្យប្រកាសរាល់អំណោយ  វិភាគទាន ប្រទានកម្ម ឬប្រាក់បរិច្ចាគដែលពួកគេទទួលបាន​នៅក្នុងការ​ចុះបញ្ជីឈ្មោះពិសេសណាមួយ។ យោងតាមសារព័ត៌មានចក្រភពអង់គ្លេស BBC ការស៊ើបអង្កេតខាងលើ គឺជាប់ពាក់ព័ន្ធទៅនឹងក្រុមហ៊ុន ថែទាំទារកមួយ ដែលលោកស្រី Akshata Murthy ជាភរិយារបស់លោកនាយករដ្ឋមន្រ្តី Rishi Sunak មានភាគហ៊ុននៅក្នុងក្រុមហ៊ុនមួយនោះ…៕

https://www.urdupoint.com/en/world/sunak-to-face-declaration-of-interest-inquiry-1677925.html