សភាខេត្ត Quebec ប្រទេសកាណាដាកំពុងតែអំពាវនាវឱ្យរដ្ឋាភិបាលសហព័ន្ធពន្លឿននីតិវិធី ក្នុងការទទួលយក ប្រជាពលរដ្ឋអ៊ុយ​ក្រែន ដែលកំពុងរត់ភៀសខ្លួនចេញពីការចូលលុកលុយរបស់កងកម្លាំងយោធាសហព័ន្ធរុស្ស៊ី មកជ្រកកោននៅក្នុងខេត្ត Quebec។ ញត្តិមួយដែលត្រូវបានអនុម័តដោយសមាជិកសភា​គ្រប់​គណបក្ស នយោបាយ បានចូលជាធរមានកាលពីរសៀលថ្ងៃអង្គារ ទី១៥ ខែមីនា ឆ្នាំ២០២២។ សារព័ត៌មាននានា បានរាយការណ៍ថា ប្រជាពលរដ្ឋអ៊ុយក្រែនដែលកំពុងស្វែងរកសិទ្ធិជ្រកកោនក្នុងប្រទេស​កាណាដា​បានប្រឈម នឹងការលំបាក  និងនីតិវិធីស្មុគស្មាញ។ ញត្តិនេះត្រូវបានដាក់ស្នើដោយលោក François Legault នាយក រដ្ឋមន្ត្រីកាណាដា ដែលបានអំពាវនាវឱ្យរដ្ឋាភិបាលទីក្រុង Ottawa បង្កលក្ខណៈងាយស្រួលដល់ជនភៀស ខ្លួនអ៊ុយក្រែន​ដែលកំពុងរត់ភៀសខ្លួនចូលក្នុងប្រទេសកាណាដា និងពន្លឿននីតិវិធី៕

https://montreal.ctvnews.ca/quebec-s-national-assembly-asks-ottawa-to-act-faster-in-welcoming-ukrainian-refugees-1.5820795