លោក Li Hongzhong អនុប្រធានគណៈកម្មាធិការអចិន្ត្រៃយ៍នៃសភាប្រជាជនចិន និងជាសមាជិកការិយាល័យនយោបាយគណៈកម្មាធិការមជ្ឈិមបក្សកុម្មុយនិស្តចិនជួបពិភាក្សាការងារជាមួយគណៈប្រតិភូដែលដឹកនាំដោយ​លោក Mervin Maldonado សមាជិកអគ្គនាយកដ្ឋានជាតិនៃគណបក្សរួបរួមអ្នកសង្គមនិយមវ៉េណេស៊ុយអេឡា

រដ្ឋធានីប៉េកាំង៖ កាលពីថ្ងៃចន្ទ ទី១០ ខែមេសា ឆ្នាំ២០២៣ លោក Li Hongzhong អនុប្រធាន គណៈកម្មាធិការអចិន្ត្រៃយ៍នៃសភាប្រជាជនចិន និងជាសមាជិកការិយាល័យ​នយោបាយគណៈកម្មាធិការមជ្ឈិមបក្សកុម្មុយនិស្តចិន បានជួបពិភាក្សាការងារជាមួយគណៈប្រតិភូនៃសាធារណរដ្ឋវ៉េណេស៊ុយអេឡាBolivarian ដែលដឹកនាំដោយលោក Mervin Maldonado សមាជិកអគ្គនាយកដ្ឋានជាតិនៃគណបក្សរួបរួមអ្នកសង្គមនិយមវ៉េណេស៊ុយអេឡា (the National Directorate of the United Socialist Party of Venezuela, PSUV)។

លោក Li បានថ្លែងថា ថ្នាក់ដឹកនាំនៃប្រទេសទាំងពីរ បានបន្តថែរក្សាទំនាក់ទំនងយ៉ាងស្អិតរមួតហើយបានឈានដល់កុងសង់ស៊ីសដ៏សំខាន់ ឆ្លើយតបទៅនឹង​ការអភិវឌ្ឍ​ទំនាក់ទំនងចិន-វ៉េណេស៊ុយអេឡា នៅក្នុងបរិបទថ្មីនេះ។

លោក Li បានបង្ហាញពីបំណងរបស់ខ្លួនចង់ពង្រឹងការផ្លាស់ប្តូរជាមិត្តភាព រវាងបក្សកុម្មុយនិស្តចិន និងអគ្គនាយកដ្ឋានជាតិនៃគណបក្សរួបរួមអ្នកសង្គមនិយម​វ៉េណេ​ស៊ុយអេឡា, ការពង្រឹងការផ្លាស់ប្តូរ រវាង ស្ថាប័ននីតិប្បញ្ញត្តិនៃប្រទេសទាំងពីរ និងការជំរុញឱ្យមានលទ្ធផលជាផ្លែផ្កាបន្ថែមទៀត ក្នុងក្របខ័ណ្ឌកិច្ចសហប្រតិបត្តិការជាក់ស្តែង រវាងប្រទេសជាមិត្តទាំងពីរ។ លោក Maldonado ដែលជារដ្ឋមន្ត្រីក្រសួងអំណាចប្រជាជន យុវជន និងកីឡា ផងនោះ បានសម្តែងនូវសេចក្តីសង្ឃឹមយ៉ាងមុតមាំ ចំពោះការ​ផ្លាស់ប្តូរអន្តរបក្ស និងការលើកកម្ពស់កិច្ចសហប្រតិបត្តិការជាមិត្តភាព៕

http://ព័ត៌មានសភាទ្វីបអាស៊ី ១២-០៤-២៣-កែវ ធាវី ប្រែសម្រួលពី៖ https://english.news.cn/20230410/59c3b520b39f42ebb07eef56053374cf/c.html