ភ្ញៀវទេសចរណ៍បរទេសផឹកកាហ្វេនៅតាមចិញ្ចើមផ្លូវ

គេហទំព័រផ្លូវការនៃរដ្ឋសភាសាធារណរដ្ឋសង្គមនិយមវៀតណាម បានឱ្យដឹងថា រដ្ឋាភិបាល​វៀតណាម បានស្នើឱ្យរដ្ឋសភាអនុម័តការ​បង្កើនលើកលែងទិដ្ឋាការ​ស្នាក់នៅមួយ​ជាបី រហូតដល់ ៤៥ ថ្ងៃ សម្រាប់ភ្ញៀវទេសចរណ៍មកពីប្រទេសសំខាន់ៗនានា ដើម្បីជំរុញការស្តារសេដ្ឋកិច្ចជាតិ  នៅក្រោយសម័យជំងឺកូវីដ-១៩។ ទិដ្ឋាការស្នាក់នៅរយៈពេល ៤៥ ថ្ងៃ នេះ នឹងផ្តល់ពេលវេលាកាន់តែច្រើនដល់ជនបរទេស ដើម្បីស្វែងយល់អំពីប្រទេសវៀតណាម និងការស្វែងរកឱកាសធុរកិច្ចសម្រួលដល់ការស្តារវិស័យទេសចរណ៍ និងសេដ្ឋកិច្ចសង្គមឱ្យងើបឡើងវិញ។

ភ្ញៀវទេសចរណ៍ដែលមកពីប្រទេសអឺរ៉ុបមួយចំនួន, ជប៉ុន និងកូរ៉េខាងត្បូង គឺជាទីផ្សារទេសចរណ៍យ៉ាងសំខាន់របស់វៀតណាម។ បច្ចុប្បន្ននេះ វៀតណាមបានអនុញ្ញាត​ឱ្យភ្ញៀវទេសចរណ៍ស្នាក់នៅក្នុងប្រទេសរបស់ខ្លួន រយៈពេលតែ ១៥ ថ្ងៃ ប៉ុណ្ណោះ ដោយលើកលែងទិដ្ឋាការ។ ភ្ញៀវទេសចរណ៍ជាង ៨១០,០០០ នាក់ មកពីកូរ៉េខាងត្បូង បានមកទស្សនាប្រទេសវៀតណាម ក្នុងត្រីមាសទី១ ឆ្នាំ២០២៣ នេះ បានបង្កើតទីផ្សារយ៉ាងធំរបស់ខ្លួន។ អនុលោមតាមសំណើខាងលើរដ្ឋាភិបាល​ក៏បានស្នើសុំផ្លាស់ប្តូរ​មកប្រើទិដ្ឋាការអេឡិចត្រូនិច (e-visa) ផងដែរ។ បច្ចុប្បន្ននេះ មានប្រទេសតែជាង ៨០ ប៉ុណ្ណោះ ទទួលបានទិដ្ឋាការបែបនេះ និងបង្កើនរយៈពេលទិដ្ឋាការស្នាក់នៅ​នាពេល​បច្ចុប្បន្ន ៣០ ថ្ងៃ រហូតដល់ ៣ ខែ។

រដ្ឋសភាវៀតណាម នឹងពិនិត្យពិភាក្សាលើសំណើទាំងនេះ នៅក្នុងសម័យប្រជុំនៅខែឧសភា ឆ្នាំ២០២៣ ខាងមុខ។ ទោះបីជា ការបើកសម័យប្រជុំឡើងវិញនៅដើម​ឆ្នាំ២០២៣ នេះ ក្រោយពីជំងឺឆ្លងកូវីដ-១៩ ក៏ដោយ ក៏ប្រទេសវៀតណាមមិនបានរៀបចំទាក់ទាញភ្ញៀវទេសចរណ៍បរទេសឱ្យបានច្រើនឡើយ ដែលញ៉ាំងឱ្យតួអង្គ​ឧស្សាហកម្មទេសចរណ៍របស់ប្រទេសនេះ ស្វែងរកការលើកលែងទិដ្ឋាការដើម្បីជួយប្រទេសវៀតណាម៕

http://ព័ត៌មានសភាទ្វីបអាស៊ី ០៤-០៤-២៣-កែវ ធាវី ប្រែសម្រួលពី៖ https://e.vnexpress.net/news/travel/gov-t-submits-proposal-for-45-day-visa-free-stay-for-visitors-from-major-markets-4588691.html