ក្រុមសមាជិកសភាគណបក្ស FPOe នៃប្រទេសអូទ្រីសបាននាំគ្នាដើរចេញពីសម័យប្រជុំសភា

កាលពីថ្ងៃព្រហស្បតិ៍ ទី៣០ ខែមីនា ឆ្នាំ២០២៣ សមាជិកសភានៃសាធារណរដ្ឋអូទ្រីសមកពីគណ បក្សប្រឆាំងគឺគណបក្សសេរីភាព (FPOe) បានដើរចេញពីការថ្លែង​សុន្ទរ​កថាតាមប្រព័ន្ធនិម្មិតមកកាន់ សភាអូទ្រីសរបស់លោក Volodymyr Zelenskyy ប្រធានាធិបតីអ៊ុយក្រែន នៅចំពេលមានការព្រួយបារម្ភ ពីការធ្វើឱ្យប៉ះពាល់ដល់អព្យាក្រឹត្យ​ភាពរបស់ប្រទេសមួយនេះ។

លោក Zelenskyy បានចូលរួមសម័យប្រជុំពេលព្រឹកក្នុងសភាជាន់ទាបអូទ្រីស តាមប្រព័ន្ធវីដេអូ  ដើម្បីស្វះស្វែងរកការគាំទ្រដល់ការវាយលុកយោធា​របស់អ៊ុយក្រែន​ប្រឆាំងនឹងការដណ្តើមកាន់កាប់ទឹកដីពីសំណាក់សហព័ន្ធរុស្ស៊ី។ ក្រុមសមាជិកសភាគណបក្សស្តាំនិយម FPOe បានចាកចេញពីសាលប្រជុំ ភ្លាមៗ បន្ទាប់ពីមេដឹកនាំ​អ៊ុយក្រែន​ចាប់ផ្តើមថ្លែងសុន្ទរកថា ខណៈកំពុងផ្សាយផ្ទាល់។ លោក Herbert Kickl មេដឹកនាំគណបក្ស FPOe បានថ្លែងប្រាប់អ្នកសារព័ត៌មានថា សុន្ទរកថារបស់លោក Zelenskyy  បានដើរផ្ទុយទៅនឹងគោលការណ៍អព្យាក្រឹត្យភាពរបស់អូទ្រីស។ បាតុកម្មតវ៉ាមួយបានធ្វើឡើងនៅក្រៅ អាគារសភា  នៅមុនពេលថ្លែងសុន្ទរកថា ដើម្បីទាមទារឱ្យប្រកាន់​ខ្ជាប់នូវគោលការណ៍អព្យាក្រឹត្យភាព…៕

https://www.urdupoint.com/en/world/austrian-opposition-lawmakers-protest-zelensk-1668195.html