លោក Baron  John McFall ប្រធានសភាជាន់ខ្ពស់ចក្រភពអង់គ្លេស និងលោក Ruslan Stefanchuk ប្រធានសភាអ៊ុយក្រែន

កាលពីថ្ងៃចន្ទ ទី២៧ ខែមីនា ឆ្នាំ២០២៣ លោក Ruslan Stefanchuk​ ប្រធានសភាប្រទេសអ៊ុយក្រែន បានជួបពិភាក្សាការងារជាមួយលោក  Baron  John McFall  ប្រធានសភាជាន់ខ្ពស់ចក្រភពអង់គ្លេស។ លោក Stefanchuk​ បានបង្ហោះសារក្នុងបណ្តាញសង្គមហ្វេសប៊ុករបស់លោកថា លោកបានពិភាក្សាពី​ ការពង្រឹងកិច្ចសហ​ប្រតិបត្តិការ​អន្តរសភាជាមួយសមភាគីអង់គ្លេស។

លោកប្រធានសភាអ៊ុយក្រែនបានគូសបញ្ជាក់ថា គំនិតផ្តួចផ្តើមរបស់អ៊ុយក្រែនទាមទារការគាំទ្រពី សភាអង់គ្លេស ជាពិសេស ការទទួលស្គាល់ថា សហព័ន្ធរុស្ស៊ីគឺជារដ្ឋភេរវករ​ ការបង្កើតសាលាជម្រះក្តីពិសេស សម្រាប់បទឧក្រិដ្ឋឈ្លានពានរបស់រុស្ស៊ីមកលើអ៊ុយក្រែន ការសាងសង់ប្រទេសយើងឡើងវិញ និងការចូល ក្នុងអង្គការណាតូ។ លោក Stefanchuk បានថ្លែងអំណរគុណដល់ប្រធានសភាជាន់ខ្ពស់ចក្រភពអង់គ្លេស និងអៀរឡង់ខាងជើង ចំពោះគំនិតផ្តួចផ្តើមក្នុងការរៀបចំសន្និសីទស្តីពីការសាងសង់​ប្រទេស​អ៊ុយក្រែន ឡើងវិញដែលនឹងធ្វើឡើងនៅក្នុងខែមិថុនា ឆ្នាំ២០២៣ខាងមុខនេះ។ លោក Stefanchuk បានអញ្ជើញ ទៅបំពេញទស្សនកិច្ចផ្លូវការទៅកាន់ចក្រភព​អង់គ្លេស​ពីថ្ងៃទី២៧-២៨ ខែមីនា ឆ្នាំ២០២៣…៕

https://menafn.com/1105877824/Stefanchuk-Discusses-Creation-Of-Special-Tribunal-To-Prosecute-Russia-With-Lord-Speaker-Of-UKs-House-Of-Lords